sections
MORE

കൊതിപ്പിക്കുന്ന രുചിയിൽ കണിവെള്ളരി പാലട പായസം

പായസം
SHARE

പാലട പായസം കണിവെള്ളരി ചേർത്ത് തയാറാക്കിയിട്ടുണ്ടോ? രുചികരമായ ഈ പായസം പെട്ടെന്ന് തയാറാക്കിയെടുക്കാം.

ചേരുവകൾ

  • വെള്ളരിക്ക – അരക്കിലോ
  • പാൽ – 3 ഗ്ലാസ്
  • അരി പാലട – 3 ടേബിൾ സ്പൂൺ (2 കപ്പ് വെള്ളത്തിൽ വേവിച്ച് വെള്ളം ഊറ്റി പച്ച വെള്ളത്തിൽ ഇട്ട് തണുത്തതിന് ശേഷം വെള്ളം ഊറ്റി മാറ്റിവെക്കുക)
  • പിസ്ത  – 20 എണ്ണം തോടുകളഞ്ഞ് വെള്ളത്തിൽ കുതിർത്ത് വൃത്തിയാക്കി പാൽ ഒഴിച്ച് മിക്സിയിൽ അരച്ചെടുക്കുക.
  • നെയ്യ് – 2 ടേബിൾ സ്പൂൺ

തയാറാക്കുന്ന വിധം

വെള്ളരിക്ക തൊലിയും അരിയും നീക്കി കഴുകി ഗ്രേറ്റ് ചെയ്ത് 2 ടേബിൾ സ്പൂൺ നെയ്യിൽ നന്നായി വഴറ്റുക. അതിലേക്ക് വേവിച്ചു വച്ച പാലട ചേർത്ത് നന്നായി ഇളക്കിയെടുക്കുക. ഒരു കപ്പ് പഞ്ചസാരയും ചേർത്ത് നന്നായി വരട്ടിയെടുക്കുക. അതിലേക്ക് കുറേശ്ശെ  പാൽ ചേർത്ത് വേവിക്കുക. പിസ്ത അരച്ചതും ചേർത്ത് കുറുകി വരുമ്പോൾ 2 ടേബിൾസ്പൂൺ കണ്ടൻസ്ഡ് മിൽക്ക് ചേർത്ത് നന്നായി ഇളക്കി ഇറക്കി വയ്ക്കുക. പായസം റെഡി. തണുപ്പിച്ചോ ചൂടോടെയോ ഉപയോഗിക്കാം. (ഇതിൽ ഏലക്കാ ചേർത്താൽ പിസ്തയുടെ ടേസ്റ്റ് മാറും)

Note - പിസ്തയ്ക്കു പകരം ബദാം അല്ലെങ്കിൽ കശുവണ്ടിപ്പരിപ്പ് അരച്ചു ചേർത്ത് ഉപയോഗിക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA