പ്രഭാത ഭക്ഷണത്തിന് ഗോതമ്പ് ദോശയും തക്കാളി ഉള്ളി ചട്ണിയും

482342862
SHARE

രുചികരവും ആരോഗ്യകരവുമായ പ്രഭാത ഭക്ഷണമാണിത്. ഗോതമ്പ് പൊടി മാത്രം ഉപയോഗിച്ച് ദോശ തയാറാക്കുമ്പോൾ ദോശക്കല്ലിൽ ഒട്ടിപിടിക്കാൻ സാധ്യതയുണ്ട് അതു കൊണ്ട് കുറച്ച് അരിപ്പൊടി കൂടി ഇതിൽ ചേർത്താണ് തയാറാക്കുന്നത്. ഈ ഗോതമ്പ് ദോശയ്ക്കൊപ്പം തക്കാളി ഉള്ളി ചട്ണിയാണ് സൂപ്പർ കോംപിനേഷൻ. മാവ് തലേദിവസം തയാറാക്കി വയ്ക്കേണ്ട ആവശ്യമില്ല.

ഗോതമ്പു ദോശ

  • ഗോതമ്പു പൊടി – 1 കപ്പ്
  • അരിപ്പൊടി –  1/4 കപ്പ്
  • ഉപ്പ് – ആവശ്യത്തിന്
  • മല്ലിയില
  • പച്ചമുളക്
  • ജീരകം
  • ഉള്ളി
  • കറിവേപ്പില
  • വെള്ളം – 1 1/2 കപ്പ്

തയാറാക്കുന്ന വിധം

ചേരുവകൾ എല്ലാം കൂടി ഒരുമിച്ചു ചേർത്ത് കട്ടയില്ലാതെ കലക്കി  ദോശ  പാനിൽ ഒഴിച്ച് ദോശ ഉണ്ടാക്കി എടുക്കുക.

തക്കാളി ഉള്ളി  ചമ്മന്തി

  • തക്കാളി – 3
  • സവാള – 1
  • വെളുത്തുള്ളി – 1അല്ലി
  • ഉപ്പ് – ആവശ്യത്തിന്
  • കായപ്പൊടി  – 1 നുള്ള്
  • കടലപ്പരിപ്പ് – 1ടീ സ്പൂൺ
  • മുളകുപൊടി – 1 ടീസ്പൂൺ
  • എണ്ണ – ഒന്നര ടീസ്പൂൺ

തയാറാക്കുന്ന വിധം

  • എണ്ണ ചൂടാക്കുക അതിൽ കടല പരിപ്പ് ചേർത്ത് മൂത്ത ശേഷം ഉള്ളിയും തക്കാളിയും ഉപ്പും ചേർക്കുക. ഇതിലേക്ക് മുളകുപൊടിയും ചേർക്കുക. തണുക്കുമ്പോൾ നല്ല പേസ്റ്റ് പോലെ അരച്ചെടുക്കുക.
  • ഇതിൽ കുറച്ചു കായപ്പൊടി ചേർത്ത് ചൂട് ദോശയോടൊപ്പം കഴിക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA