പാൽ രുചിയിൽ മൂന്ന് വ്യത്യസ്ത മധുരപലഹാരങ്ങൾ തയാറാക്കാം
Mail This Article
പാൽപ്പൊടി ബർഫി, പനീർ റോൾ, പനീർ ബർഫി എന്നീ മൂന്ന് വ്യത്യസ്ത രുചികളാണ് ഇവിടെ പരിചയപ്പെടുത്തുന്നത്.
പാൽപ്പൊടി ബർഫി (പേട )
ചേരുവകൾ
- നെയ്യ് -1/4 കപ്പ്
- പാൽ - 1/2 കപ്പ്
- പാൽപ്പൊടി - 2 കപ്പ്
- പഞ്ചസാര - 1/2 കപ്പ്
- ഏലക്കപ്പൊടി - 1/4 ടീ സ്പൂൺ
തയാറാക്കുന്ന വിധം
നെയ്യ് ചൂടാക്കുക, അതിലേക്ക് പാൽ ഒഴിക്കുക. പാൽ ചൂടാവുമ്പോൾ പാൽപ്പൊടിയും പഞ്ചസാരയും ചേർത്ത് നന്നായി ഇളക്കുക. കട്ടിയാവുമ്പോൾ ഏലക്കായപ്പൊടി ചേർത്ത് നന്നായി ഇളക്കി ഒരു പാത്രത്തിലേക്ക് ഒഴിച്ച് വയ്ക്കുക. മുകളിൽ പിസ്തയും ബദാം ചേർത്ത് സെറ്റ് ആവാൻ 4-5 മണിക്കൂർ ഫ്രിജിൽ വയ്ക്കാം.
2) പനീർ - 150 ഗ്രാം ( 2 പാക്കറ്റ് പാലിൽ ഉണ്ടാക്കിയത് )
കോൺഫ്ലോർ - 1/4 ടീ സ്പൂൺ
പഞ്ചസാര - 2 കപ്പ്
വെള്ളം - 4 കപ്പ്
ഏലക്കായ - 2 എണ്ണം
പനീർ 10 മിനിറ്റ് കുഴയ്ക്കുക. അതിലേക്ക് കോൺ ഫ്ലോർ കൂടി ചേർത്ത് വീണ്ടും കുഴക്കുക. ശേഷം നീളത്തിൽ ഉരുട്ടി എടുക്കുക. ഇത് പഞ്ചസാരയും വെള്ളവും ചേർത്ത് തിളയ്ക്കുന്ന വെള്ളത്തിൽ ഇട്ട് 10-12 വേവിക്കുക.
സ്റ്റഫിങ്ങിന് വേണ്ട ചേരുവകൾ
- നെയ്യ് - 1/4 കപ്പ്
- പാൽ - 1/2 കപ്പ്
- ക്രീം - 1/4 കപ്പ്
- പാൽപ്പൊടി - 1 കപ്പ്
- പഞ്ചസാര പൊടിച്ചത് - 1/4 കപ്പ്
- കുങ്കുമ പൂവ് - 3-4 എണ്ണം
തയാറാക്കുന്ന വിധം
- നെയ്യ് ചൂടാക്കി പാൽ ചേർക്കുക, അതിലേക്ക് ക്രീമും പാൽപ്പൊടിയും ചേർത്തി ഇളക്കുക. ഇത് കട്ടിയായി വരുമ്പോൾ പഞ്ചസാര പൊടിച്ചത് ചേർക്കുക.
- ശേഷം കുങ്കുമപൂവ് പാലിൽ കലക്കിയത് ചേർത്ത് ഇളക്കുക. ഇത് തണുക്കാൻ വെക്കുക.
പനീർ വേവിച്ചത് നടുവേ നീളത്തിൽ മുറിക്കുക. അതിനുള്ളിൽ സ്റ്റഫിങ് വെച്ച് തേങ്ങ ചിരകിയതിൽ ഒന്ന് റോൾ ചെയ്ത് എടുക്കുക. വേണമെങ്കിൽ ട്യൂട്ടി ഫ്രൂട്ടി വെച്ച് അലങ്കരിക്കാം
3-4 മണിക്കൂർ ഫ്രിഡ്ജിൽ വെച്ച് സെറ്റ് ചെയ്യുക
3) പനീർ ബർഫി
- പനീർ - 150 ഗ്രാം ( 2 പാക്കറ്റ് പാലിൽ നിന്ന് എടുത്തത് )
- കണ്ടെൻസ്ഡ് മിൽക്ക് - 3/4 ഭാഗം
- പാൽപ്പൊടി - 1 കപ്പ്
- ഏലക്കായ പൊടി - 1/4 ടീ സ്പൂൺ
തയാറാക്കുന്ന വിധം
പനീർ കണ്ടെൻസ്ഡ് മിൽക്കും ചേർത്ത് നന്നായി ചൂടാക്കുക, അതിലേക്ക് പാൽപ്പൊടി ചേർക്കുക. അതിലേക്ക് ഏലക്കായപ്പൊടി ചേർക്കുക. നന്നായി കട്ടിയായി വരുമ്പോൾ ഒരു പാത്രത്തിലേക്ക് സെറ്റ് ആവാൻ ഒഴിച്ച് വെക്കുക. അതിന് മുകളിൽ പിസ്ത, ബദാം വെച്ച് അലങ്കരിക്കാം. 4-5 മണിക്കൂർ ഫ്രിഡ്ജിൽ വെക്കുക. ശേഷം ഇഷ്ടമുള്ള രീതിയിൽ മുറിച്ചെടുക്കുക.