sections
MORE

കൊതിപ്പിക്കുന്ന രുചിയിൽ പാലക്കാടൻ കറുമുറു ദോശ

909972568
SHARE

പാലക്കാടൻ കറുമുറു ദോശ (അട ദോശ) കഴിച്ചിട്ടുണ്ടോ?  അരച്ച ഉടനെ പെട്ടെന്ന് ചുട്ടെടുക്കാൻ പറ്റുന്ന ഒരു അടിപൊളി ദോശയാണ്. അരി കുറച്ചും പരിപ്പ് കൂടുതലും ആയതുകൊണ്ട് ഒരു ഹെൽത്തി ദോശയാണ്.

ചേരുവകൾ:

  • പച്ചരി - 1 കപ്പ്
  • പുഴുങ്ങലരി - 1/2 കപ്പ്
  • കടല പരിപ്പ് - 1/2 കപ്പ്
  • ഉഴുന്ന് - 1/2 കപ്പ്
  • തുവര പരിപ്പ് - 1/2 കപ്പ്
  • മുതിര - 1/2 കപ്പ്
  • വറ്റൽമുളക് - 6-8 എണ്ണം
  • കുരുമുളക് - 2 ടീസ്പൂൺ
  • ജീരകം - 2 ടീസ്പൂൺ
  • ഉപ്പ് 
  • കായം 
  • കറിവേപ്പില
  • ചുവന്നുള്ളി - 2
  • വെള്ളം 

 തയാറാക്കുന്ന വിധം

• പച്ചരിയും പുഴുങ്ങലരിയും ഒരുമിച്ച് കഴുകി 3 മണിക്കൂർ വെള്ളത്തിൽ കുതിർത്ത് വയ്ക്കുക.

• കടല പരിപ്പ്, ഉഴുന്ന്, തുവരപ്പരിപ്പ് മുതിര ഒരുമിച്ച് കഴുകി 3 മണിക്കൂർ വെള്ളത്തിൽ കുതിർത്തു വയ്ക്കുക.

• ജീരകം കുരുമുളക് വറ്റൽമുളകും കുറച്ചു വെള്ളത്തിൽ കുതിർത്ത് വയ്ക്കുക.

• മൂന്നു മണിക്കൂറിനു ശേഷം കുതിർത്തുവച്ച അരി നല്ലപോലെ അരച്ച് മാറ്റിവയ്ക്കുക.

• കുതിർത്ത് വെച്ച പരിപ്പ്, ജീരകം ,കുരുമുളക്, വറ്റൽമുളക് എന്നിവ ചേർത്ത് അരച്ച് അതിലേക്ക് ചുവന്നുള്ളിയും കറിവേപ്പിലയും കായവും ചേർത്ത് ഒന്നുകൂടി അരച്ചു ചേർക്കുക.

• പാകത്തിന് ഉപ്പും ചേർത്ത് ഇളക്കി ദോശ ചുട്ടെടുക്കാം. 

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA