sections
MORE

കൃത്രിമ ചേരുവകൾ ഇല്ലാതെ കറുത്ത മുന്തിരി രുചിയിൽ പുഡ്ഡിങ്

Grape Pudding
SHARE

ചൈനാഗ്രാസ്, ജലാറ്റിൻ, അഗർ ഒന്നും ചേർക്കാതെ കിടിലൻ ഒരു ലയേർഡ്  കറുത്ത മുന്തിരി പുഡ്ഡിംഗ് ഉണ്ടാക്കിയാലോ ? 

ചേരുവകൾ :

  • കറുത്ത മുന്തിരി - 2 കപ്പ് 
  • പഞ്ചസാര - കാൽ കപ്പ് 
  • വെള്ളം - 1 കപ്പ് 
  • കോൺഫ്ലോർ - 3 ടേബിൾസ്പൂൺ 
  • പാൽ - ഒന്നര കപ്പ് 
  • പഞ്ചസാര - കാൽ കപ്പ് 
  • കോൺഫ്ലോർ - 2 ടേബിൾസ്പൂൺ 
  • വാനില  എസെൻസ് - 1 ടീസ്പൂൺ 

തയാറാക്കുന്ന വിധം

മുന്തിരി, പഞ്ചസാരയും ഒരു കപ്പ് വെള്ളവും ചേർത്ത് 5 മിനിറ്റ് തിളപ്പിച്ചെടുക്കുക .തണുത്തതിനു ശേഷം നന്നായി അരച്ചെടുത്തു അരിച്ചു മാറ്റിവയ്ക്കുക . ഈ കൂട്ട് ചൂടാക്കി എടുക്കുക, കോൺഫ്ലോർ  കുറച്ചു വെള്ളത്തിൽ കലക്കി മുന്തിരി കൂട്ടിലേക്കൊഴിച്ചുകൊടുത്തു കുറഞ്ഞ തീയിൽ കുറുക്കിയെടുക്കുക. തീ ഓഫ് ചെയ്തു സെർവിങ് ഗ്ലാസിലേക് ഒരേ അളവിൽ കൂട്ടിന്റെ പകുതി ഒഴിക്കുക . സെറ്റ് ആകാൻ വേണ്ടി ഫ്രിഡ്ജിൽ വയ്ക്കാം. 

ഈ സമയം ഒരു ബൗളിൽ  പാൽ , പഞ്ചസാര , വാനില എസെൻസ്  എന്നിവ ചൂടാക്കിയെടുക്കുക, തിളച്ചുവരുമ്പോൾ കോൺഫ്ലോർ കുറച്ചു പാലിൽ കലക്കി ഈ കൂട്ടിലേക്കൊഴിച്ചു കുറുക്കിയെടുക്കുക. തീ ഓഫ് ചെയ്തു നേരത്തെ  സെറ്റ് ചെയ്യാൻ വെച്ച മുന്തിരി പുഡിങ്ങിന്റെ മുകളിൽ ഒഴിച്ച് കൊടുത്തു വീണ്ടും സെറ്റ് ചെയ്യാനായി ഫ്രിഡ്ജിൽ വെക്കുക . ഇത് സെറ്റ് ആയാൽ അതിനുമുകളിലായി ബാക്കിയുള്ള പകുതി മുന്തിരി കൂട്ട് ഒന്ന് ചൂടാക്കി ഒഴിച്ച് കൊടുത്തു ഒരു മണിക്കൂർ ഫ്രിഡ്ജിൽ സെറ്റ് ചെയ്യാൻ വയ്ക്കാം. ലെയേർഡ് മുന്തിരി പുഡ്ഡിങ് റെഡി.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA