രുചിപ്പെരുമയിൽ മലബാർ സ്പെഷൽ കൈപ്പത്തിരി

രുചി വിഭവങ്ങളിൽ കേരളത്തിന്റെ തനത് വൈവിധ്യങ്ങൾ കാത്തുസൂക്ഷിക്കുന്നവരാണല്ലോ മലബാറികൾ. മലബാറുകാരുടെ സ്പെഷൽ വിഭവമായ അടിപൊളി കട്ടിപ്പത്തിരി (കൈപ്പത്തിരി) ഉണ്ടാക്കിയാലോ ?

ചേരുവകൾ 

1. അരിപ്പൊടി             – 3 കപ്പ് 
2. തേങ്ങാ ചിരകിയത്  –1  കപ്പ് 
3. നെയ്യ്                       –1  ടേബിൾ സ്പൂൺ 
4. ഉപ്പ്                          – ആവശ്യത്തിന് 

തയാറാക്കുന്ന വിധം 

• ഒരു പാത്രത്തിൽ  അല്പം വെള്ളം ആവശ്യത്തിന് ഉപ്പ് ചേർത്ത തിളപ്പിച്ചെടുക്കുക.
• അതിന് ശേഷം ഒരു വലിയ പാത്രത്തിൽ അരിപ്പൊടി എടുത്തശേഷം ഉപ്പ് ചേർത്ത് തിളപ്പിച്ച വെള്ളം അല്പാല്പമായി ചേർത്തുകൊടുത്തു ഇളക്കികൊടുക്കുക  (വെള്ളം കൂടിപ്പോകാതെ  ശ്രദ്ധിക്കണം).
• അതിലേക് ഒരു കപ്പ് തേങ്ങാ ചിരകിയത് കൂടി ചേർത്ത നല്ല സോഫ്റ്റ് ആവുന്നത് വരെ കുഴച്ചെടുക്കുക.
• കുഴച്ചെടുത്ത മാവ് അല്പാല്പമായി കയ്യിലെടുത്ത് ഉരുളകളാക്കി കയ്യിലോ വാഴയിലയിലോ വെച്ച് കട്ടിയായി പരത്തി  എടുക്കുക.
• അതിന് ശേഷം  ഒരു പാൻ എടുത്തു ചൂടാക്കി  പരത്തി  എടുത്ത മാവ് നെയ്യ് തൂവി രണ്ടു ഭാഗവും വേവിച്ചെടുക്കുക. മലബാർ സ്പെഷ്യൽ കട്ടി പത്തിരി റെഡി.