ആവി പറക്കുന്ന ചൂട് ദോശ

ചൂടോടെ കഴിച്ചാൽ ടൊമാറ്റോ റവ ദോശയ്ക്ക് രുചി കൂടും. തലേദിവസം മാവ് തയാറാക്കേണ്ട ആവശ്യമില്ല. മാവ് തയാറാക്കി 15 മിനിറ്റിനകം ഈ ദോശ ചുട്ടെടുക്കാം, പ്രത്യേകിച്ച് കറിയും ആവശ്യമില്ല.

ചേരുവകൾ

• റവ – 1/2 കപ്പ്
  
• ഗോതമ്പുപൊടി – 1/4 കപ്പ്
• അരിപ്പൊടി – 1/2 കപ്പ്
• തക്കാളി – 2
• ഇഞ്ചി – 1 ഇഞ്ച് കഷണം
• വറ്റൽമുളക് – 2
• സവാള – 1 എണ്ണം ചെറുതായി അരിഞ്ഞത്
• ജീരകം –  1 ടീസ്പൂൺ
• കുരുമുളക്‌ പൊടി – 1 ടീസ്പൂൺ
• പച്ചമുളക് – 2
• മല്ലിയില
• കറിവേപ്പില
• ഉപ്പ്
• വെള്ളം – 2 കപ്പ്

തയാറാക്കുന്ന വിധം

• റവ, അരിപ്പൊടി, ഗോതമ്പു പൊടി എന്നിവ ഒരുമിച്ചു ചേർത്ത് ഇളക്കി വയ്ക്കുക. ഇതിലേക്ക് മിക്സിയിൽ അരച്ചെടുത്ത തക്കാളി, ഇഞ്ചി, മുളക്  മിശ്രിതം ചേർത്ത് യോജിപ്പിക്കുക.
• എല്ലാം ഒരുമിച്ച് ഇളകി യോജിപിച്ച ശേഷം ജീരകം, കുരുമുളക്, ഉപ്പ്, സവാള എന്നിവ ചേർത്ത് വെള്ളം ഒഴിച്ചു  കട്ടയില്ലാതെ കലക്കി 15 മിനിറ്റ് വെച്ച ശേഷം ദോശ ഉണ്ടാക്കി എടുക്കുക.