ഗോതമ്പു പൊടി കൊണ്ട് മുട്ട പഫ്സ്
Mail This Article
ഗോതമ്പ് പൊടി കൊണ്ട് തയാറാക്കിയ കിടിലൻ മുട്ട പഫ്സ്, പാനിലാണ് ഇത് വേവിച്ചെടുക്കുന്നത്.
ചേരുവകൾ
- ഗോതമ്പ് പൊടി - 2 കപ്പ്
- ബട്ടർ - 2 ടീസ്പൂൺ
- സവാള - 2 എണ്ണം
- പുഴുങ്ങിയ മുട്ട - 3 എണ്ണം
- വെളുത്തുള്ളി ഇഞ്ചി ചതച്ചത് - 1 ടേബിൾസ്പൂൺ
- പച്ചമുളക് - 2 എണ്ണം
- കറിവേപ്പില
- മുളകുപൊടി - 1 1/2 ടീസ്പൂൺ
- മഞ്ഞൾപ്പൊടി - 1/4 ടീസ്പൂൺ
- മല്ലിപ്പൊടി - 1 ടീസ്പൂൺ
- ഗരംമസാല 1/2 ടീസ്പൂൺ
- കുരുമുളകുപൊടി - 1/2 ടീസ്പൂൺ
- ഉപ്പ് – ആവശ്യത്തിന്
- എണ്ണ – ആവശ്യത്തിന്
തയാറാക്കുന്ന വിധം
പഫ്സ് ഷീറ്റ് ഉണ്ടാക്കി എടുക്കുന്നതിനായി ഗോതമ്പ് ബട്ടറും ഉപ്പും ചേർത്ത് നല്ല സോഫ്റ്റ് ആയിട്ട് കുഴച്ചു എടുക്കണം അതിനുശേഷം പരത്തി എടുത്തു സമചതുരാകൃതിയിൽ മുറിച്ചു എടുക്കണം .
മസാല തയാറാക്കാൻ
പാനിൽ എണ്ണ ഒഴിച്ച് ചൂടാകുമ്പോൾ അതിലേക്ക് വെളുത്തുള്ളി ഇഞ്ചി ചതച്ചത്, ഉള്ളി,പച്ചമുളക്, മസാലയും ചേർത്ത് വഴറ്റി എടുക്കണം. നല്ല അടപ്പുള്ള പാൻ എടുത്ത് എണ്ണ പരത്തി കൊടുക്കണം . അതിന് മുകളിലായിട്ട് ഒരു ബേക്കിങ് ഷീറ്റ് വെച്ചതിന് ശേഷം കുറച്ചുകൂടി എണ്ണ പരത്തി കൊടുക്കാം . ഇനി ഇത് ചെറിയചൂടിൽ കുറച്ചു നേരം ചൂടാക്കാൻ വയ്ക്കണം. മുറിച്ചു വെച്ചിരിക്കുന്ന ഷീറ്റിലേക്ക് മസാല ഇട്ട് അതിന് മുകളിലായിട്ട് മുട്ട പകുതി മുറിച്ചു വെക്കണം .അതിനു ശേഷം നാലു സൈഡിൽ നിന്ന് ഷീറ്റ് മടക്കിവെക്കണം . ഇനി ഒരു മുട്ട നന്നായി അടിച്ചെടുത്ത് പഫ്സിന് മുകളിൽ തേച്ചു കൊടുക്കണം . ഇത് നേരത്തെ ചൂടാക്കിയ പാനിൽഅടച്ചുവെച്ചു വേവിച്ചുഎടുക്കണം . ഇത് രണ്ടു വശവും തിരിച്ചിട്ടു വേവിച്ച് എടുക്കണം.