ഏത്തപ്പഴം ചക്കപ്പഴം പലഹാരം ഇങ്ങനെ പൊരിച്ചെടുക്കാം

ഏത്തക്കയും ചക്കപ്പഴവും  കൊണ്ട് ഒരു വെറൈറ്റി വിഭവം തയാറാക്കിയാലോ? 

ചേരുവകൾ

• ഏത്തയ്ക്ക പഴുത്തത് – 2
  
• ചക്കച്ചുള പഴുത്തത് – 10 അല്ലെങ്കിൽ 15
• സ്പ്രിങ് റോൾ റാപ്
• ഏലയ്ക്കാപ്പൊടി – 1/2 ടീസ്പൂൺ
• ബ്രൗൺ ഷുഗർ – 1/2 കപ്പ്
• വെള്ളം – 1/2 കപ്പ്
• വെളുത്ത എള്ള് – 1 ടീസ്പൂൺ

തയാറാക്കുന്ന വിധം

• ഒരു ഏത്തയ്ക്ക  6 കഷണങ്ങളാക്കി മുറിക്കുക. കുറച്ചു ചക്കചുള മുറിച്ചു വയ്ക്കുക. മീഡിയം സ്പ്രിങ് റോൾ ഷീറ്റിൽ ഒരുകോണിൽ ഏത്തയ്ക്ക മുറിച്ചത് ബ്രൗൺ ഷുഗറിൽ മുക്കി വയ്ക്കുക.
  
• അതിന്റെ മുകളിൽ ചക്കച്ചുള അരിഞ്ഞതും വെച്ച് മടക്കിയെടുക്കുക. ഇത് എണ്ണയിൽ മുക്കി രണ്ടുവശവും ഗോൾഡൻ കളർ ആകുന്നതുവരെ വറുത്തെടുക്കുക.
  
• വേറൊരു പാത്രത്തിൽ ബ്രൗൺ ഷുഗർ എടുത്തു വെള്ളവും ഒഴിച്ചു ഒട്ടുന്നതുവരെ ഇളക്കുക. തീ ഓഫ് ചെയ്ത് ഏലയ്ക്കാപ്പൊടി ചേർത്ത് ഇളക്കി വറത്തു വെച്ചിരിക്കുന്ന ഏത്തയ്ക്ക ചേർത്ത് എള്ളും കൂട്ടി യോജിപ്പിച്ചെടുക്കുക. ഇതു ചൂടോടെ ഉപയോഗിക്കാം.