sections
MORE

കാബേജ് തോരൻ കല്ല്യാണ സദ്യയ്ക്ക് തയാറാക്കുന്ന രുചിയിൽ

Cabbage Thoran Recipe
SHARE

കല്ല്യാണ സദ്യയിൽ വിളമ്പുന്ന അതെ രുചിയിൽ കാബേജ് തോരൻ വീട്ടിൽ എളുപ്പത്തിൽ തയാറാക്കാം.

ചേരുവകൾ

  • കാബേജ് - 300 ഗ്രാം
  • ചെറിയ ഉള്ളി – 10 എണ്ണം 
  • ഇഞ്ചി -  ഒരു ചെറിയ കഷ്ണം 
  • പച്ചമുളക് - 2 എണ്ണം
  • കറിവേപ്പില - 2 തണ്ട്
  • നാളികേരം ചിരകിയത് - 1/2 കപ്പ്
  • ഉപ്പ് -1 ടീസ്പൂൺ
  • മഞ്ഞൾപ്പൊടി - 1/2 ടീസ്പൂൺ
  • വെളിച്ചെണ്ണ - 2 ടേബിൾ സ്പൂൺ
  • കടുക് - 3/4 ടീസ്പൂൺ
  • ഉഴുന്ന് പരിപ്പ് - 3/4 ടീസ്പൂൺ
  • വറ്റൽ മുളക് - 2 എണ്ണം

പാകം ചെയ്യുന്ന വിധം

കാബേജ് പൊടിയായി അരിഞ്ഞെടുക്കുക. ഇതിലേക്ക് ചെറിയ ഉള്ളി, ഇഞ്ചി, പച്ചമുളക് എന്നിവ ചതച്ച് ചേർക്കുക. ഇതിലേക്ക് ഒരു തണ്ട് കറിവേപ്പിലയും നാളികേരം ചിരകിയതും ആവശ്യത്തിന് ഉപ്പും അര ടീസ്പൂൺ മഞ്ഞൾപ്പൊടിയും ചേർത്ത് നന്നായി യോജിപ്പിക്കുക.

ഒരു പാൻ ചൂടാക്കി അതിലേക്ക് രണ്ട് ടേബിൾ സ്പൂൺ വെളിച്ചെണ്ണ ചേർക്കുക. ഇതിലേക്ക് കടുക്, ഉഴുന്നുപരിപ്പ്, വറ്റൽമുളക്, കറിവേപ്പില എന്നിവ ചേർത്ത് മൂപ്പിക്കുക. ഇതിലേക്ക് കാബേജ് ചേർക്കുക.

ഇത് ഇടത്തരം തീയിൽ ഏഴ് മുതൽ പത്തു മിനിട്ടു വരെ തുറന്നു വെച്ച് വേവിക്കുക. ഇടയ്ക്കിടെ ഇളക്കി കൊടുക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA