sections
MORE

പൊളപ്പൻ ചെമ്മീൻ പൊള്ളിച്ചത്

chemmeen-pollichathu
SHARE

നല്ല ചെമ്മീൻ,  വാഴയിലയിൽ മസാല ഒക്കെ ചേർത്ത് പൊള്ളിച്ചു നോക്കിട്ടുണ്ടോ? അതും അടുപ്പും  വിറകും ഒന്നും ഇല്ലാതെ. വീട്ടിൽ തന്നെ ഉള്ള സംഭവങ്ങളൊക്കെ വെച്ച് പൊള്ളിച്ചു പൊളിക്കാം. 

ചേരുവകൾ 

  • ചെമ്മീൻ - 200ഗ്രാം 
  • മുളകുപൊടി - 1/2 സ്പൂൺ 
  • മഞ്ഞൾപ്പൊടി - 1/4 സ്പൂൺ 
  • ഗരം മസാല - 1/4 സ്പൂൺ 
  • കുരുമുളക് പൊടി - 1/4 സ്പൂൺ 
  • ഉപ്പ് - 1/2 സ്പൂൺ  
  • ജീരകപ്പൊടി - 1/2 സ്പൂൺ 
  • കടുക് - 1/2 സ്പൂൺ 
  • കറിവേപ്പില
  • ഉള്ളി അരിഞ്ഞത് - 6
  • തക്കാളി - 1
  • ഇഞ്ചി വെളുത്തുള്ളി ചതച്ചത് - 1 സ്പൂൺ
  • എണ്ണ - 30 മില്ലി 
  • ഗ്രാമ്പു - 1
  • വാഴയില, വാഴനാര്  

തയാറാക്കുന്ന വിധം 

1) ചെമ്മീൻ  മുളകുപൊടി, മഞ്ഞൾപ്പൊടി, ഗരം മസാല, കുരുമുളക് പൊടി, ഉപ്പ് എന്നിവ ചേർത്ത് പുരട്ടി  അരമണിക്കൂർ വയ്ക്കുക. അതിന് ശേഷം അത്  10-15 മില്ലി  വെളിച്ചെണ്ണയിൽ  ഫ്രൈ ചെയ്തെടുക്കുക. 

2) ഒരു ചീനച്ചട്ടി  ചൂടാക്കി 10 മില്ലി വെളിച്ചെണ്ണ  ഒഴിക്കുക, അതിൽ കടുക്, കറിവേപ്പില, ഉള്ളി അരിഞ്ഞത്, തക്കാളി, ഇഞ്ചി – വെളുത്തുള്ളി ചതച്ചത് എന്നിവ ചേർത്ത് വഴറ്റുക. 

3) ഇതിൽ അവശ്യത്തിന് മുളകുപൊടി,  മഞ്ഞൾപ്പൊടി, ജീരകപ്പൊടി എന്നിവ ചേർക്കുക. 

4) വറുത്തെടുത്ത  ചെമീൻ ഈ മിശ്രിതത്തിൽ ചേർക്കുക, 

5)വാഴയില തീയിൽ വാട്ടി  എടുക്കുക 

6)വാഴയിലയിൽ എണ്ണ പുരട്ടുക, ചെമ്മീൻ മസാല മിശ്രിതം  വെച്ച്, ഗ്രാമ്പു കത്തിച്ചു ഒരു തക്കാളി കഷ്ണത്തിന്  മുകളിൽ വെച്ച് കവർ  ചെയ്യുക. 

7)വാഴ നാരുകൊണ്ട്  പൊതിച്ചോർ പോലെയോ കിഴി പോലെയോ കെട്ടുക. 

8)ഒരു പരന്ന പത്രത്തിൽ എണ്ണ 2 സ്പൂൺ ഒഴിച്ച് ഇത് പൊള്ളിച്ചെടുക്കാം. 

9)കിടിലൻ പൊള്ളിച്ച ചെമ്മീൻ കപ്പ പുഴുക്കിന്റെ അല്ലെങ്കിൽ  ചൂട് ചോറിന്റെ കൂടെ കഴിക്കാം. കൊതിയന്മാർക്ക് ചുമ്മാതെയും  കഴിക്കാം.

English Summary:  Prawn Roast in Banana Leaf 

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA