sections
MORE

ഉലുവ വിളയിച്ചത്: പ്രസവ രക്ഷയ്ക്കും നടുവ് വേദന മാറാനും ഉത്തമം

uluva-vilayichathu
SHARE

വീട്ടിൽ തയാറാക്കി ദിർഘനാൾ സൂക്ഷിച്ച് ഉപയോഗിക്കാവുന്ന ഔഷധഗുണമുള്ള ഉലുവ വിളയിച്ചത്. പ്രസവ രക്ഷാ മരുന്നായിട്ടാണ് സാധാരണ ഇത് ഉപയോഗിക്കുന്നത്. നടുവിനു വേദനമാറാനും ഇത് സഹായകരമാണ്.

ചേരുവകൾ  

  • ഉലുവ - 50 ഗ്രാം
  • ശർക്കര  ഉരുക്കിയത് - 1 കപ്പ്
  • തേങ്ങ ചിരകിയത് - 1 കപ്പ്
  • ജീരകം, ചുക്കു പൊടി - 1 ടീസ്പൂൺ വീതം
  • നല്ലെണ്ണ അല്ലെങ്കിൽ നെയ്യ് - 2 ടേബിൾസ്പൂൺ

തയാറാക്കുന്ന വിധം  

  • 50 ഗ്രാം ഉലുവ രാത്രി മുഴുവൻ കുതിർക്കണം (8-10 മണിക്കൂർ). കുതിർന്ന ശേഷം ഇത് നന്നായി കഴുകുക.
  • ആവശ്യത്തിന് വെള്ളം ഒഴിച്ച്  പ്രഷർ കുക്കറിൽ 4 വിസിൽ വരെ വേവിക്കുക.
  • ഇരുമ്പു കടായി അല്ലെങ്കിൽ ഉരുളി ചൂടാക്കി, വേവിച്ച ഉലുവ ചേർത്ത് 2 മിനിറ്റ് ഫ്രൈ ചെയ്യുക.
  • ഒരു കപ്പ് ശർക്കര  ഉരുക്കിയത്  ചേർത്ത് നന്നായി വേവിക്കുക. കട്ടിയാകാൻ തുടങ്ങുമ്പോൾ 1 കപ്പ് തേങ്ങ ചിരകിയത് ചേർക്കുക. നന്നായി വിളയിച്ചെടുക്കുക.
  • ഒരു ടീസ്പൂൺ ജീരകവും ചുക്കുപൊടിയും ചേർത്ത് നന്നായി ഇളക്കുക. വാങ്ങുന്നതിന് മുൻപ് 2 ടേബിൾസ്പൂൺ നല്ലെണ്ണ ഒഴിക്കുക. നന്നായി ഇളക്കുക. തീ ഓഫ് ചെയ്യുക. ചൂടാറിയതിനു ശേഷം പാത്രത്തിൽ അടച്ച് സൂക്ഷിക്കാം.  (ഫ്രിഡ്ജിലും സൂക്ഷിക്കാം)

NOTE:  വിളയിച്ചെടുക്കുമ്പോൾ ഇടയ്ക്കു നെയ്യ് ചേർക്കാം. 

English Summary:  Uluva Vilayichathu Healthy Recipe

 

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
FROM ONMANORAMA