മുളകുപൊടി ചേർക്കാതെ എരിപൊരി രുചിയിൽ പെപ്പർ ചിക്കൻ!

മുളകും  മുളകുപൊടിയും  ചേർക്കാതെ  ഒരു കിടിലൻ പെപ്പർ ചിക്കനാണ് ഇന്നത്തെ സ്പെഷൽ. രുചിയിൽ ഈ ചിക്കൻ ഡ്രൈ ഫ്രൈയെ  തോൽപിക്കാൻ ആർക്കും പറ്റില്ല. 

ചേരുവകൾ 

• ചിക്കൻ - 300 ഗ്രാം 
• സവാള - 3 എണ്ണം അരിഞ്ഞത് 
• ഇഞ്ചി വെളുത്തുള്ളി പേസ്റ്റ് - 1 സ്പൂൺ
• കുരുമുളക് -1 സ്പൂൺ
• ജീരകം -1 സ്പൂൺ
• പെരുംജീരകം - 1/2 സ്പൂൺ
• ഗരം മസാല - 1/2 സ്പൂൺ
• ജീരകം പൊടിച്ചത് - 1/4 സ്പൂൺ
• മഞ്ഞൾപ്പൊടി -1/2 സ്പൂൺ
• മല്ലിപ്പൊടി - 2 സ്പൂൺ
• തൈര് - 2 സ്പൂൺ 
• കുരുമുളക്  പൊടി - 3 സ്പൂൺ  
• വെളിച്ചെണ്ണ - ആവശ്യത്തിന്

തയാറാക്കുന്ന വിധം 

• ഒരു പാൻ ചൂടാക്കി 1 1/2 സ്പൂൺ  വെളിച്ചെണ്ണ ചൂടാക്കുക.
• ഇതിൽ  സവാള അരിഞ്ഞത് , 1 സ്പൂൺ ഇഞ്ചി വെളുത്തുള്ളി പേസ്റ്റ് , 1 സ്പൂൺ കുരുമുളക് , 1 സ്പൂൺ ജീരകം, 1/2 സ്പൂൺ പെരും ജീരകം എന്നിവ ചേർത്ത് വഴറ്റുക. 
• അര സ്പൂൺ ഗരം മസാല, കാൽ സ്പൂൺ ജീരകം പൊടിച്ചത്, അര സ്പൂൺ മഞ്ഞൾപ്പൊടി, രണ്ട് സ്പൂൺ മല്ലിപ്പൊടി എന്നിവ ചേർത്ത് വഴറ്റുക. ഇതിൽ നിന്നും 3 സ്പൂൺ മസാല വേറൊരു പ്ലേറ്റിൽ എടുക്കുക. 
• പാനിലേക്ക്  300ഗ്രാം ചിക്കൻ ചേർത്ത് വേവിക്കുക. 
  
• മിക്സിയിൽ 3 സ്പൂൺ കുരുമുളക് പൊടിച്ചെടുക്കുക. 
  
• മാറ്റി വെച്ച 3 സ്പൂൺ മസാല മിക്സിയിൽ അരച്ച് പേസ്റ്റാക്കുക.
• ഇതേ മിക്സി  ജാറിൽ 2 സ്പൂൺ തൈര് ചേർത്ത് അടിച്ചെടുക്കാം
• മസാല അരച്ചത്, തൈര്, 3 സ്പൂൺ കുരുമുളക് പൊടി എന്നിവ ചിക്കനിലേക്ക് ചേർത്ത് 10 മിനിറ്റ് അടച്ചു വെച്ച് വേവിക്കുക. ആവശ്യത്തിന് ഉപ്പ് ചേർത്ത് വേവിച്ചെടുക്കാം.

English Summary: Pepper Chicken Recipe