sections
MORE

റോസ് മിൽക്ക് ഇങ്ങനെ ഉണ്ടാക്കി നോക്കൂ, എല്ലാവർക്കും ഇഷ്ടപ്പെടും

Rose Milk
SHARE

റോസാപ്പൂവ് കാണാൻ മാത്രം അല്ല ഭംഗി, അതിന്റെ ആരോഗ്യ ഗുണങ്ങൾ ധാരാളമാണ്. വീട്ടിൽ തന്നെ മായം ചേർക്കാത്ത  റോസ് സിറപ്പ് തയാറാക്കി വയ്ക്കാം. കുട്ടികൾക്കും മുതിർന്നവർക്കും  കുടിക്കാവുന്ന  റോസ് മിൽക്ക് തയാറാക്കുന്നത് എങ്ങനെയെന്നു നോക്കാം.

ചേരുവകൾ 

  • റോസാപൂവ് -200 ഗ്രാം 
  • വെള്ളം - 200 മില്ലി 
  • പഞ്ചസാര - 2 കപ്പ്‌ / 500ഗ്രാം 
  • നാരങ്ങ നീര് - 1/2 സ്പൂൺ 
  • ബീറ്റ്റൂട്ട് - 1

തയാറാക്കുന്ന  വിധം 

• റോസാപ്പൂവിന്റെ ഇതളുകൾ നന്നായി കഴുകിയതും ഒരു ബീറ്റ്റൂട്ട് കഷണവും പ്രഷർ കുക്കറിൽ ഇട്ട് 5 വിസിൽ വരെ വേവിക്കുക.
• വേവിച്ച ശേഷം ഇത് അരിച്ചെടുക്കുക.
• വേവിച്ച ബീറ്റ്റൂട്ട് അരച്ച് ജ്യൂസ്‌ എടുക്കുക, അതിൽ നിന്നും വെള്ളം അരിച്ചെടുക്കുക.
• 250 മില്ലി (1 കപ്പ്‌ )ലായനി ലഭിക്കും. ഇതിൽ 2 കപ്പ്‌ പഞ്ചസാര ചേർത്ത് ചെറു തീയിൽ ചൂടാക്കുക. മുകളിൽ പതഞ്ഞു വരുന്ന വെളുത്ത പദാർത്ഥം മാറ്റണം.
• 15 മിനിറ്റ് കഴിയുമ്പോൾ 1/2സ്പൂൺ നാരങ്ങ നീര് ചേർക്കാം. ആവശ്യമെങ്കിൽ റോസ് എസൻസ് 2 തുള്ളി ചേർക്കുക.
• ഒട്ടുന്ന പാകം ആകുമ്പോൾ തീ അണയ്ക്കാം.
• റോസ് സിറപ്പ് റെഡി, ഇത് 6 മാസത്തിൽ അധികം സൂക്ഷിക്കാം. പാലിലോ വെള്ളത്തിലോ ചേർത്ത് കുടിക്കാം.
• ഒരു സ്പൂൺ റോസ് സിറപ്പ് ഒരു ഗ്ലാസ്‌ പാലിൽ ചേർത്ത് റോസ് മിൽക്ക് തയാറാക്കാം.

English Summary: Rose Syrup, Rose Milk Recipe

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA