കാണാൻ മൊഞ്ചും ശരീരത്തിന് ഗുണവുമുള്ള കുക്കുമ്പർ ജ്യൂസ്‌

ശരീരം തണുപ്പിക്കാനും ചൂടും ദാഹവും പമ്പ കടക്കാനും  വിരുന്നുകാരെ സത്കരിക്കാനും ഇതിലും നല്ല  ജ്യൂസ്‌ വേറെ ഇല്ല.

ചേരുവകൾ 
 

കുക്കുമ്പർ – പകുതി (ചെറുതാക്കി കഷ്ണങ്ങൾ ആക്കിയത് )
ചെറുനാരങ്ങ - 1 എണ്ണം
ഇഞ്ചി - ചെറിയ കഷ്ണം
പുതിനയില - 3 എണ്ണം
പഞ്ചസാര - ആവശ്യത്തിന്
വെള്ളം - 2 1/2 കപ്പ്
ഉപ്പ് - കാൽ ടീസ്പൂൺ

തയാറാക്കുന്ന വിധം 

ആദ്യം കുക്കുമ്പർ, ഇഞ്ചി, പുതിനയില എന്നിവ മൂന്നും കൂടെ ജാറിൽ ഒന്ന് ചതച്ചെടുക്കാം. ശേഷം ചതച്ചെടുത്തതും രണ്ടര കപ്പ് തണുത്ത വെള്ളവും ആവശ്യത്തിന് പഞ്ചസാരയും കാൽ ടീസ്പൂൺ ഉപ്പും ചേർത്ത് മിക്സിയുടെ ജാറിൽ നന്നായി അടിച്ചെടുക്കുക. അരിച്ചതിനു ശേഷം ഗ്ലാസിൽ ഒഴിച്ച് വിളംമ്പാം. 

English Summary: Cucumber Juice