ചൂട് കുറയ്ക്കാൻ പൊരിച്ച ഐസ്ക്രീം ഒരെണ്ണം കഴിക്കാം...

പുറമേ ചൂട് കൂടിക്കൊണ്ടിരിക്കുന്നു... ക്രിസ്പി കോട്ടിങ്ങിനുള്ളിൽ തണുത്ത സോഫ്റ്റ് ഐസ്ക്രീം കഴിച്ചിട്ടുണ്ടോ? വളരെ എളുപ്പത്തിൽ ആർക്കും ഉണ്ടാക്കാവുന്ന ഫ്രൈഡ് ഐസ്ക്രീം റെസിപ്പി ഇതാ.

ചേരുവകൾ 

• ഐസ്ക്രീം – 3 സ്‌കൂപ്പ് 
• ബ്രഡ് കഷണങ്ങൾ – 3 പീസ് 
• മുട്ടയുടെ വെള്ള – 2 എണ്ണം 
• ബ്രഡ് പൊടിച്ചത് – ഒരു കപ്പ് 
• ഓയിൽ – ആവശ്യത്തിന്  

അലങ്കരിക്കാൻ

• പൊടിച്ച പഞ്ചസാര 
• ചോക്ലേറ്റ് സിറപ്പ് 

തയാറാക്കുന്ന വിധം 

• ഒരു പ്ളേറ്റിൽ ബട്ടർ പേപ്പർ വിരിക്കുക. ഇതിൽ 3 സ്കൂപ് ഐസ്ക്രീം വച്ച് ഒരു മണിക്കൂർ ഫ്രീസറിൽ വയ്ക്കുക.
• ബ്രഡ് നന്നായി പരത്തിയെടുക്കുക. ഇതിനു നടുവിലായി ഐസ്ക്രീം വച്ച് ബ്രഡ് കൊണ്ട് പൊതിയുക. ഇത് ഒരു ക്ലിങ് ഫിലിം ഉപയോഗിച്ചു കവർ ചെയ്ത് ബോൾ ഷേപ്പ് ആക്കുക.
• 2 മണിക്കൂറെങ്കിലും ഫ്രീസറിൽ വച്ച് ഫ്രീസ് ചെയ്യുക.
• ശേഷം മുട്ടയുടെ വെള്ളയിലും ബ്രെഡ് പൊടിച്ചതിലും മുക്കി ചൂടായ എണ്ണയിൽ 10-12 സെക്കന്റ് വലിയ തീയിൽ പൊരിച്ചെടുക്കുക.
• ചൂടോടെ ഉടനടി വിളമ്പുക.മുകളിൽ പൊടിച്ച പഞ്ചസാരയും ചോക്ലേറ്റ് സിറപ്പും ചേർത്ത് അലങ്കരിക്കാം.

English Summary: Fried Ice Cream Recipe