ഈ ഊണിനു കറി വേറെ വേണ്ട! ജോലി കുറയ്ക്കും സർപ്രൈസ് റെസിപ്പി

സാധാരണ മലയാളികൾക്ക് ചോറിനു മേമ്പൊടിയായി ഒരുകൂട്ടം കറികൾ വേണം. എന്നാൽ ഇവിടെ അതൊന്നും വേണ്ട...ചോറു മാത്രം വച്ചാൽ മതി കറിയൊന്നും വേണ്ട!, മല്ലിയിലയുടെ രുചി ഇഷ്ടമുള്ളവർക്ക് ഇഷ്ടപ്പെടുന്ന രുചിക്കൂട്ടാണിത്. 

ചേരുവകൾ

• ബിരിയാണി അരി - 3 കപ്പ്
• വെള്ളം - 5 കപ്പ്
• ഉപ്പ് - 1 ടീസ്പൂൺ
• എണ്ണ - 1 ടേബിൾസ്പൂൺ
• കറുവപ്പട്ട - 1 ചെറിയ കഷണം
• ഗ്രാമ്പൂ -  8 എണ്ണം
• ഏലയ്ക്ക - 6 എണ്ണം
• വഴനയില - 2 എണ്ണം

തയാറാക്കുന്ന വിധം

ഒരു പാത്രത്തിൽ എണ്ണ/ നെയ്യ് ഒഴിച്ച് ചൂടാക്കി ഗരം മസാലകൾ ഇട്ടു വഴറ്റുക. വെള്ളം ഒഴിച്ച് തിളക്കുമ്പോൾ, കഴുകിയ അരി ഇട്ടു വേവിക്കുക. കുഴഞ്ഞു പോകാതെ ശ്രദ്ധിക്കണം. അതിന് ശേഷം ചോറ് ചൂട് പോകാൻ വയ്ക്കുക.

അരപ്പ് :

• ഇഞ്ചി - 2 ചെറിയ കഷണം
• പച്ചമുളക് - 4 എണ്ണം
• മല്ലിയില - 6 കപ്പ്
• തേങ്ങ ചിരകിയത് - 1/2 കപ്പ് (ഇവയെല്ലാം അരച്ചെടുക്കുക)

• എണ്ണ - 2 ടേബിൾ സ്പൂൺ
• ജീരകം - 2 ടീസ്പൂൺ
• വെളുത്തുള്ളി -12 എണ്ണം നീളത്തിൽ അരിഞ്ഞത്
• സവാള - 2 എണ്ണം നീളത്തിൽ അരിഞ്ഞത്
• പച്ചമുളക് - 2 എണ്ണം

ചൂടായ എണ്ണയിൽ ഈ ചേരുവകൾ യഥക്രമം വഴറ്റി, മല്ലിയില തേങ്ങാ അരപ്പും ചേർത്ത് ചൂടാക്കുക. ചോറ് ചേർത്ത് നന്നായി യോജിപ്പിച്ച് വിളമ്പുക. ഉപ്പ് ആവശ്യത്തിനു ചേർക്കാം.

English Summary: Coriander Leaves Rice, Easy Lunch