കാരറ്റ് ഹൽവയ്ക്ക് രുചി കൂട്ടാൻ ഒരു വഴിയുണ്ട്
Mail This Article
×
മധുരം കിനിയുന്ന രുചികരമായ ഹൽവ. കാരറ്റ് ഹൽവ വളരെ എളുപ്പത്തിൽ വീട്ടിൽ തയാറാക്കാം. രുചി കൃത്യമാകാൻ ഇതിൽ കോയ അഥവാ മാവ് (പാൽ കുറുക്കി എടുത്ത പദാർത്ഥം )കൂടി ചേർത്ത് കൊടുക്കണം. ഈ രീതിയിൽ ഹൽവ തയാറാക്കുന്നത് എങ്ങനെയെന്നു നോക്കാം.
ചേരുവകൾ
- കാരറ്റ് - 2 കപ്പ്
- പഞ്ചസാര - 10 സ്പൂൺ
- പാൽ - 1 കപ്പ്
- റോസ് എസ്സൻസ് - 1/4 സ്പൂൺ
- കോയ/മാവ - 3 സ്പൂൺ (രണ്ട് ടേബിൾ സ്പൂൺ നെയ്യിൽ അരകപ്പ് പാലും ഒരു കപ്പ് പാൽപ്പൊടിയും ചേർത്ത് കുറുക്കി പാത്രത്തിൽ നിന്നും വിട്ടുവരുന്ന പരുവത്തിൽ തയാറാക്കാം)
- നെയ്യ് - 6 സ്പൂൺ
- കശുവണ്ടി പരിപ്പ് - 5 എണ്ണം
തയാറാക്കുന്ന വിധം
ഒരു ഫ്രൈ പാനിൽ 4 സ്പൂൺ നെയ്യ് ഒഴിച്ച് ചൂടാക്കി, കാരറ്റ് ചേർത്ത് ഇളക്കി യോജിപ്പിക്കുക. അടച്ചു വെച്ച് ചെറുതീയിൽ 3 മിനിറ്റ് നേരത്തേക്ക് വേവിക്കുക. തുടർന്ന് ഒരു കപ്പ് പാലും റോസ് എസ്സൻസും പഞ്ചസാരയും ചേർത്ത് 5 മിനിറ്റ് നേരം വേവിക്കുക. വെള്ളം വറ്റി വരുമ്പോൾ 3 സ്പൂൺ കോയ അഥവാ മാവ് ചേർത്ത് 1 മിനിറ്റ് നേരത്തേക്ക് ഇളക്കി യോജിപ്പിച്ചു വാങ്ങാം. നെയ്യിൽ വറുത്തെടുത്ത കശുവണ്ടി പരിപ്പ് ചേർത്ത് അലങ്കരിക്കാം.
English Summary: Carrot Halwa Homemade Recipe
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.