താമര അരി, മസാല ചേർത്ത്  വറുത്ത് എടുത്താൽ...

വളരെ അധികം വൈറ്റമിൻസും മിനറൽസും നിറഞ്ഞതാണ് ലോട്ടസ് സീഡ്‌സ്. ഇതിൽ ചർമ്മത്തെ സംരക്ഷിക്കുന്ന ഘടകങ്ങൾ ധാരാളം അടങ്ങിയിട്ടുണ്ട്.  വളരെ എളുപ്പത്തിൽ ഉണ്ടാക്കാൻ സാധിക്കുന്ന ഒരു റെസിപ്പി ആണ് മസാല മഖാനാ.

ചേരുവകൾ

• ലോട്ടസ് സീഡ്‌സ് (മഖാനാ) - 2 കപ്പ്
• ബട്ടർ - 1 ടേബിൾ സ്പൂൺ
• കശുവണ്ടി - 2 ടേബിൾസ്പൂൺ
• മുളക്പൊടി - 1/2 ടീസ്പൂൻ
• കുരുമുളക് പൊടി -1/2 ടീസ്പൂൺ
• ഉപ്പ് - ആവശ്യത്തിന്
• കറിവേപ്പില- ആവശ്യത്തിന്

തയാറാക്കുന്ന വിധം

ഒരു പാൻ ചൂടാകുമ്പോൾ ഒരു ടേബിൾ സ്പൂൺ ബട്ടർ ചേർക്കുക. ഇതിലേക്ക് കശുവണ്ടിയും കറിവേപ്പിലയും ചേർത്ത് വറക്കുക. ഇതിലേക്ക് ലോട്ടസ് സീഡ് ചേർത്ത് ചെറിയ തീയിൽ 4-5 മിനിറ്റ് വറക്കുക. മുളകുപൊടി, കുരുമുളക് പൊടി , ഉപ്പ് എന്നിവ ചേർത്ത് നന്നായി യോജിപ്പിക്കുക. രുചികരമായ മസാല മഖാനാ റെഡി. ചൂടോടെ കഴിക്കാം. 

English Summary: Masala Makhana, Fried Lotus seed