വെറും മൂന്ന് ചേരുവകൾ കൊണ്ട് ചിക്കു മിൽക്ക് ഷേക്ക്

നാടൻ ചിക്കു അല്ലെങ്കിൽ സപ്പോട്ട. ഈ പഴം കൊണ്ട് രുചികരമായ മിൽക്ക് ഷേക്ക് തയാറാക്കാം. വീട്ട് മുറ്റത്ത് വളരുന്ന ഫല വൃക്ഷമാണ് സപ്പോട്ട. ശരീരത്തിന് ഏറെ ഗുണങ്ങൾ നൽകുന്ന പഴമാണ് സപ്പോട്ട. വളരെ കുറച്ച് ചേരുവകൾ മതി ഈ ഷേക്ക് തയാറാക്കാൻ.

ചേരുവകൾ

• സപ്പോട്ട – ചെറുതായി മുറിച്ചത് (കുരുകളഞ്ഞത്)
• പാൽ – 500 മില്ലി ലിറ്റർ ( ഫ്രീസറിൽ വച്ച് കട്ടിയാക്കിയത്)
• പഞ്ചസാര – ആവശ്യത്തിന്

തയാറാക്കുന്ന വിധം

സപ്പോട്ടയും പഞ്ചസാരയും ചേർത്ത് മിക്സിയുടെ ജാറിൽ ആദ്യം ഒന്ന് അടിച്ച് എടുക്കുക.

ഇതിലേക്ക് പാൽ കട്ടകളും ചേർത്ത് നന്നായി അടിച്ച് കുടിക്കാം.

English Summary: Chikoo Milkshake, Sapota Shake Recipe