ബാക്കി വന്ന ചപ്പാത്തി കൊണ്ട് ഒരു കിടിലൻ വിഭവം

മിച്ചം വന്ന ചപ്പാത്തി ഇങ്ങനെ കഴിച്ചു നോക്കൂ. ഭക്ഷണം പാഴാക്കുന്നത് ഒഴിവാക്കി രുചികരമായ പുതുമയുള്ള വിഭവമാക്കുന്നത് എങ്ങനെയെന്ന് നോക്കാം.

ചേരുവകൾ 

• ചപ്പാത്തി - 4 എണ്ണം
• ഇഞ്ചി  – 1 ടീസ്പൂൺ ചെറുതായി അരിഞ്ഞത്
• സവാള –  1 ചെറുതായി അരിഞ്ഞത്  
• തക്കാളി – 1
• ഗരംമസാല – ഒരു ടീസ്പൂൺ 
• മല്ലിയില – ആവശ്യത്തിന് 
• കുരുമുളകുപൊടി – അര ടീസ്പൂൺ

തയാറാക്കുന്ന വിധം

ഒരു ടേബിൾ സ്പൂൺ എണ്ണയിൽ ഇഞ്ചിയും സവാളയും വഴറ്റിയതിനു ശേഷം  അതിലേക്ക് മസാലകൾ ചേർക്കുക. പച്ചമണം മാറിക്കഴിഞ്ഞ് തക്കാളി ചേർത്ത് വഴറ്റുക. ഈ സമയത്ത് ആവശ്യത്തിനുള്ള ഉപ്പ് ചേർക്കുക. അതിനുശേഷം രണ്ടു മുട്ട അതിനുള്ളിലേക്ക് പൊട്ടിച്ചൊഴിച്ച് പകുതി വേവ് ആകുമ്പോൾ മുറിച്ചു വച്ചിരിക്കുന്ന ചപ്പാത്തി അതിലേക്ക് ചേർത്ത് നന്നായി യോജിപ്പിക്കുക.  മല്ലിയിലയും കുരുമുളകും ചേർത്തതിനുശേഷം ചൂടോടെ വിളമ്പാം.

English Summary: A yummy dish with left over Chapathi