ചോറും ഗോതമ്പ്പൊടിയും ചേർത്ത് ഉഗ്രൻ പലഹാരം
Mail This Article
ചായയുടെ കൂടെ പലഹാരം കഴിച്ച് ശീലിച്ചവർക്ക് അതിനായി എളുപ്പത്തിൽ വീട്ടിൽ തയാറാക്കാവുന്ന ഫണ്ണി കേക്ക്.
ചേരുവകൾ
• ചോറ് - 2 കപ്പ്
• ഗോതമ്പുപൊടി – 1 കപ്പ്
• അരിപ്പൊടി – 2 ടേബിൾ സ്പൂൺ
• ഏലയ്ക്ക – 5 എണ്ണം
• മുട്ട – 1
• പഞ്ചസാര – 5 ടേബിൾസ്പൂൺ
• പാൽ – 5-10 ടേബിൾ സ്പൂൺ
• ഉപ്പ് – 1/4 ടീസ്പൂൺ
• മഞ്ഞൾപ്പൊടി – 1/4 ടീസ്പൂൺ
• ഓയിൽ – വറുക്കാൻ ആവശ്യത്തിന്
തയാറാക്കുന്ന വിധം
ചേരുവകൾ എല്ലംകൂടി മിക്സിയുടെ ജാറിൽ അരച്ചെടുക്കാം. കട്ടിയുള്ള മാവ് തയാറാക്കി ഒരു പാത്രത്തിലേക്കു മാറ്റാം.
സ്റ്റൗവിൽ ഒരു ചട്ടി വച്ച് ഫ്രൈ ചെയ്തെടുക്കാനുള്ള ഓയിൽ ഒഴിച്ച് ചൂടായതിനു ശേഷം കുറേശെ മാവ് എടുത്ത് എണ്ണയിൽ ഇട്ടുകൊടുകാം, 2 മിനിറ്റിനു ശേഷം തിരിച്ചും മറിച്ചും ഇളക്കികൊണ്ടിരിക്കാം. (മീഡിയം തിയിൽ ഇട്ടു വേണം ഫ്രൈ ചെയ്തെടുക്കാൻ അല്ലെങ്കിൽ ഉള്ളിൽ വെന്തു കിട്ടില്ല) അങ്ങനെ ഇളക്കി കൊടുത്ത് കൊണ്ട് രണ്ടുഭാഗവും ബ്രൗൺ നിറമായാൽ എണ്ണയിൽ നിന്നും എടുത്ത് മാറ്റാം. തേൻ ചേർത്തും കഴിക്കാം.
English Summary: Snack Recipe, Boiled Rice and Wheat Flour