ഗോതമ്പ്പൊടിയും പഴവും ചേർത്ത് സൂപ്പർ കേക്ക് ; വായിലിട്ടാൽ അലിഞ്ഞു പോകും

ആരോഗ്യകരമായ ചേരുവകൾ കൊണ്ട് ഒരു കേക്ക് തയാറാക്കിയാലോ? ഗോതമ്പ് പൊടിയും പഴവും ചേർത്ത് എത്ര കഴിച്ചാലും മതി വരാത്ത വീറ്റ് ബനാന ചോക്ലേറ്റ് കേക്ക്‌.

ചേരുവകൾ

• ഗോതമ്പ് പൊടി - 1 1/2 കപ്പ്
  
• പഴം പഴുത്തത് ( റോബസ്റ്റാ) - 2
• കൊക്കോ പൗഡർ -, 1/2 കപ്പ്
• മുട്ട - 2 
• പഞ്ചസാര - 3/4 കപ്പ്‌
• ബേക്കിങ് സോഡ - 1 ടീസ്പൂൺ
• ഉപ്പ് - 1/4 ടീസ്പൂൺ
• എണ്ണ - 1/3 കപ്പ്
• വാനില എസൻസ് - 1ടീസ്പൂൺ
• പാൽ - 1/2 കപ്പ്‌

തയാറാക്കുന്ന വിധം

ഒരു ബൗളിൽ പഴം ഇട്ട്  നന്നായി ഉടച്ചെടുക്കുക അല്ലെങ്കിൽ മിക്സിയിൽ അരച്ചെടുത്താലും മതി. ഇതിലേക്ക് രണ്ട് മുട്ട, ഓയിൽ, പഞ്ചസാര , വാനില എസൻസ് എന്നിവ ചേർത്ത് നന്നായി യോജിപ്പിക്കുക . ഇനി ഒരു അരിപ്പ വച്ച് ഗോതമ്പ് പൊടി, ബേക്കിംഗ് സോഡ , കൊക്കോ പൗഡർ , ഉപ്പ് എന്നിവ ഇട്ട് അരിച്ചെടുക്കുക, ഇതെല്ലാം കൂടി നന്നായി മിക്സ് ചെയ്യുക. ഇപ്പോൾ കട്ടിയുള്ള മാവിയിരിക്കും ഇതിലേക്ക് അര കപ്പ് പാലും കൂടി ചേർത്ത് മിക്സ് ചെയ്യുക . ഇപ്പോൾ മീഡിയം തിക്ക് ബാറ്റർ ആയി കിട്ടും . കേക്കിനുള്ള മാവ് റെഡി ആയി . ഈ മാവ് ഒരു കേക്ക് ടിന്നിൽ ഒഴിക്കുക . പ്രീ ഹീറ്റഡ് ഓവനിൽ 165 ഡിഗ്രിയിൽ 50 മുതൽ 55 മിനിറ്റ് വരെ ബേക്ക് ചെയ്യുക. നല്ല ഹെൽത്തി ആയ വീറ്റ് ബനാന ചോക്ലേറ്റ് കേക്ക് റെഡി.

English Summary: Easy Wheat Choclate Banana Bread