കറുമുറെ കൊറിക്കാൻ നാടൻ ഓല പക്കാവട

നാടൻ പക്കാവട വളരെ എളുപ്പത്തിൽ വീട്ടിൽ തയാറാക്കാം

ചേരുവകൾ

• കടല മാവ് - 1 കപ്പ്
• അരിപ്പൊടി - 1/2 കപ്പ്
• മുളക്‌ പൊടി - 1 ടീസ്പൂൺ
• കുരുമുളക് പൊടി - 1/2 ടീസ്പൂൺ
• കായപ്പൊടി - 1/2 ടീസ്പൂൺ
• ബട്ടർ (വെണ്ണ ) - 1 ടേബിൾസ്പൂൺ
• ഉപ്പ് - അവശ്യത്തിന്
• കറിവേപ്പില - ഒരു പിടി
• വെള്ളം - ആവശ്യത്തിന്

തയാറാക്കുന്ന വിധം

ഒരു ബൗളിൽ കടലമാവ് ,അരിപ്പൊടി , മുളകുപൊടി, കുരുമുളക് പൊടി , കായപൊടി , ഉപ്പ് , ബട്ടർ എന്നിവ ചേർത്ത് നന്നായി യോജിപ്പിക്കുക. 

ഇതിലേക്ക് കുറച്ച്  വെള്ളം ഒഴിച്ച് ഇഡിയപ്പത്തിന്റെ മാവ് പോലെ കുഴച്ചെടുക്കുക . ഇനി സേവനാഴിയിൽ പക്കാവടയുടെ ചില്ലിട്ട് മാവ് നിറയ്ക്കുക. ചൂടായ എണ്ണയിൽ മാവ് വൃത്താകൃതിയിൽ പിഴിയുക . നന്നായി മൂത്ത് കഴിയുമ്പോൾ കോരി മാറ്റി വയ്ക്കാം. തണുത്ത ശേഷം ചെറിയ കഷ്ണങ്ങളാക്കി മുറിച്ചിടുക. കുറച്ച് കറിവേപ്പില കൂടി വറുത്ത് ചേർക്കാം. വളരെ എളുപ്പത്തിൽ പക്കവട റെഡി ആയി.

English Summary: Kerala Ribbon Pakkoda, How to make pakkavada