പ്രഭാത ഭക്ഷണത്തിന് ഒന്നാന്തരം രുചിയിൽ ബനാന പാൻകേക്ക്

വളരെ എളുപ്പത്തിൽ രുചികരവും വ്യത്യസ്തവും ആയ ഒരു പലഹാരം ബനാന അപ്പം പാൻകേക്ക്.

ചേരുവകൾ

• അരിപ്പൊടി   - 1 1/4 കപ്പ്
• പഴം - 2 
• ശർക്കര - 1/2 കപ്പ്‌
• വെള്ളം - 1 1/2 കപ്പ്
• തേങ്ങ തിരുമിയത് - 1/2 കപ്പ്
• ബേക്കിങ് പൗഡർ - 1 ടീസ്പൂൺ
• വെള്ള എള്ള്  - 1 ടേബിൾസ്പൂൺ
• ഏലയ്ക്ക പൊടിച്ചത്  -  അൽപ്പം

തയാറാക്കുന്ന വിധം

ഒരു പാനിൽ ശർക്കര ഇട്ട് വെള്ളം ഒഴിച്ച് തിളപ്പിക്കുക . തിളച്ചതിന് ശേഷം അരിച്ച് തണുക്കാൻ വെക്കുക.

വേറൊരു ബൗളിൽ രണ്ട് പഴം ഇട്ട് ഒരു ഫോർക് വെച്ച് നന്നായി ഉടച്ചെടുക്കുക അല്ലെങ്കിൽ മിക്സിയിൽ ഇട്ട് അടിച്ചെടുക്കുക . ഉടച്ചെടുത്ത പഴത്തിലേക്ക് അരിപ്പൊടി, ഏലയ്ക്കാപൊടിച്ചത്, തേങ്ങാ തിരുമ്മിയത്, ബേക്കിങ് പൗഡർ, എള്ള്, ശർക്കര പാനി എന്നിവ ചേർത്ത് നന്നായി മിക്സ് ചെയ്ത്  അധികം കട്ടിയില്ലാത്ത മാവാക്കുക. ഈ മാവ് ചൂടായ തവയിൽ ദോശ പോലെ പരത്തി എടുക്കുക , കുറച്ച് എണ്ണ വശങ്ങളിൽ ഒഴിച്ച് രണ്ട് വശവും മൊരിച്ചെടുക്കുക . രുചികരമായ ബനാന അപ്പം പാൻകേക്ക് റെഡി ആയി. 

English Summary: Simple Cooking, Pour a laddle full of batter on a hot pan. Spread it in the round shape of a pancake.