sections
MORE

ചോറിന് കൂട്ടാൻ മോര് കറി, വെണ്ടയ്ക്ക ചേർത്ത് തയാറാക്കി നോക്കൂ...

vendakka-curry
SHARE

വെണ്ടയ്ക്ക കൊണ്ട് രുചികരമായ മോര്  കറി തയാറാക്കി നോക്കൂ. വ്യത്യസ്തമായി എളുപ്പത്തിൽ തയാറാക്കാവുന്ന കറിയാണിത്.

ചേരുവകൾ  

1. വെണ്ടയ്ക്ക   – 5  എണ്ണം   ഒരിഞ്ചു നീളത്തിൽ അരിഞ്ഞത് 
2. വെളിച്ചെണ്ണ   – ഒരു  ടീസ്പൂൺ 
3. ഉപ്പ്‌               –    ആവശ്യത്തിന് 
4. തൈര്   2 കപ്പ്‌ (കട്ടയില്ലാതെ അടിച്ചെടുത്തത്)
5. തേങ്ങ ചിരകിയത് – 2 പിടി 
6. പച്ചമുളക്   – 2 എണ്ണം
7. മഞ്ഞൾപ്പൊടി  – അര ടീസ്പൂൺ 
8. ജീരകം  – ഒരു  ടീസ്പൂൺ 
9. വെള്ളം  –  ആവശ്യത്തിന് 

തയാറാക്കുന്ന വിധം 

ഒരു  പാനിൽ  വെളിച്ചെണ്ണ  ചൂടായി വരുമ്പോൾ വെണ്ടയ്ക്ക അതിലിട്ട് അൽപ്പം ഉപ്പ് കൂടി ചേർത്ത് വറുത്തെടുത്തു മാറ്റി വയ്ക്കുക. വെണ്ടയ്ക്കയുടെ വഴുവഴുപ്പ് മാറാനാണ് ഇങ്ങനെ ചെയ്യുന്നത്. മിക്സിയുടെ ജാറിൽ തേങ്ങ ചിരകിയതും പച്ചമുളക്, മഞ്ഞൾപൊടി, ജീരകം എന്നിവ ആവശ്യത്തിന് വെള്ളം കൂടി ചേർത്ത് നന്നായി അരച്ചെടുക്കുക. ഈ അരപ്പ് തൈരിലേക്ക് ചേർത്ത് നന്നായി ഇളക്കി യോജിപ്പിക്കുക. 

വറുത്തിടാൻ  ആവശ്യമുള്ള ചേരുവകൾ 

1.വെളിച്ചെണ്ണ  – ഒരു  ടേബിൾ സ്പൂൺ
2.കടുക് –  ഒരു  ടീസ്പൂൺ
3.വറ്റൽ മുളക് –  2 എണ്ണം
4. കറിവേപ്പില – 1 തണ്ട് 

വെളിച്ചെണ്ണയിൽ മുകളിൽ കൊടുത്തിരിക്കുന്ന സാധനങ്ങൾ താളിച്ചു അതിലേക്ക് വറുത്തെടുത്ത വെണ്ടക്കയും  അരപ്പും ഉപ്പും കൂടി ചേർത്ത് ചെറുതീയിലിട്ട് ഒരു മിനിറ്റ് തിളപ്പിക്കുക. വെണ്ടയ്ക്ക മോര് കറി തയാർ. 

English Summary: Vendakka Moru Curry, Okra Buttermilk Curry

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA