sections
MORE

കട്ലറ്റ് ഈ രീതിയിൽ തയാറാക്കിയാൽ രുചി കൂടും

chicken-cutlet
SHARE

ഈ കട്ലറ്റിൽ മുട്ടയുടെ മഞ്ഞക്കരു ചേർക്കുന്നുണ്ട്, അതുകൊണ്ട് തന്നെ ഈ കട്ലറ്റ് വളരെ ടേസ്റ്റി ആയിരിക്കും. തിരുവല്ലക്കാരുടെ സ്പെഷൽ കട്ലറ്റ് രുചിയാണിത്.

ചേരുവകൾ

  • ചിക്കൻ - 200 ഗ്രാം (ഉപ്പും മഞ്ഞളും ചേർത്ത് വേവിച്ചത് )
  • സവാള  - 2 എണ്ണം 
  • ഇഞ്ചി അരിഞ്ഞത് -1 ടേബിൾസ്പൂൺ
  • വെളുത്തുള്ളി അരിഞ്ഞത് - 1 ടേബിൾസ്പൂൺ
  • പച്ചമുളക് അരിഞ്ഞത് - 2 എണ്ണം 
  • മുളകുപൊടി -1 ടീസ്പൂൺ
  • മഞ്ഞൾപൊടി -1/2 ടീസ്പൂൺ
  • ഗരം മസാല - 1 ടീസ്പൂൺ
  • കുരുമുളക് പൊടി 1/2 ടീസ്പൂൺ
  • കറിവേപ്പില - ആവശ്യത്തിന് 
  • ഉപ്പ് - ആവശ്യത്തിന് 
  • മുട്ടയുടെ മഞ്ഞ വേവിച്ചത് - 1
  • കിഴങ്ങ് വേവിച്ചത് - 1
  • വെളിച്ചെണ്ണ -1 ടേബിൾസ്പൂൺ
  • സൺഫ്ലവർ ഓയിൽ -വറുക്കാൻ ആവശ്യത്തിന്

തയാറാക്കുന്ന വിധം

ഒരു പാൻ ചൂടാകുമ്പോൾ വെളിച്ചെണ്ണ ഒഴിക്കുക, സവാള, ഇഞ്ചി, വെളുത്തുള്ളി, പച്ചമുളക് എന്നിവ ഇട്ടു വഴറ്റുക, ഒരു മുക്കാൽ വേവാകുമ്പോൾ പൊടികൾ ചേർത്ത് (മുളകുപൊടി, മഞ്ഞൾപൊടി, ഗരംമസാല, കുരുമുളക് പൊടി) നന്നായി മൂപ്പിക്കുക. അതിലേക്ക് ചിക്കൻ ചേർത്ത് നന്നായി ഇളക്കി യോജിപ്പിക്കുക. ആവശ്യത്തിന് ഉപ്പ് ചേർത്ത് കൊടുക്കുക. ചിക്കനും മസാലയുമായി യോജിക്കാൻ കുറച്ചു വെള്ളം ചേർത്ത് കൊടുക്കാം. ഇത്രയും ആയാൽ മസാല റെഡിയായി ഈ കൂട്ടിലേക്ക്‌ വേവിച്ച കിഴങ്ങും  രുചി കൂട്ടായ മുട്ടയുടെ മഞ്ഞക്കരുവും ചേർത്ത് യോജിപ്പിക്കുക. അതിനു ശേഷം ബോൾ ആക്കുക.  ഈ ബോൾ മുട്ടയിലും ബ്രെഡ് പൊടിയിലും മുക്കി സൺഫ്ലവർ ഓയിലിൽ വറുത്തെടുക്കുക.

English Summary : Delicious crunchy chicken cutlet made with simple ingredients, a good snack or a starter.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA