sections
MORE

രണ്ട് തരം പനീർ റോൾ, ഇതിൽ ഒരെണ്ണം മതി വയർ നിറയാൻ...

chappathi-roll
SHARE

രണ്ട് തരം വെജ് പനീർ റോൾസ്... ജോലിക്ക് പോകുന്നവർക്ക് ലഞ്ച് ബോക്സ്‌ വിഭവം ആയിട്ടോ കുട്ടികൾക്ക് സ്നാക്ക്സായും കൊടുക്കാം. പെട്ടെന്ന് തന്നെ ഉണ്ടാക്കാവുന്ന രുചികരമായ ഒന്നാണിത് 

1.ചില്ലി പനീർ റോൾ 

ചേരുവകൾ :

1.പനീർ - 1കപ്പ്‌
2.സവാള നീളത്തിൽ അരിഞ്ഞത് - 1/2 എണ്ണം
3.കാപ്സിക്കം  നീളത്തിൽ അരിഞ്ഞത്  - 1/2 എണ്ണം
4.വെളുത്തുള്ളി പച്ചമുളക് അരിഞ്ഞത് - 1 ടീസ്പൂൺ
5.എണ്ണ - 1.5 ടീസ്പൂൺ
6.സോയാസോസ് - 1/4ടീസ്പൂൺ
7.തക്കാളിസോസ് - 1/2 ടീസ്പൂൺ
8.റെഡ്ചില്ലി സോസ് - 1/2 ടീസ്പൂൺ
9.കുരുമുളക് പൊടി - 1/2 ടീസ്പൂൺ

പറാത്ത ഉണ്ടാക്കുന്നതിന് :

ഒരു കപ്പ് ഗോതമ്പു പൊടിയും, ഒരു കപ്പ് മൈദയും, ആവശ്യത്തിന് ഉപ്പ്, ഒരു ടീസ്പൂൺ എണ്ണ ഒഴിച്ച് ചപ്പാത്തി മാവ് പോലെ കുഴച്ച് 10 മിനിറ്റ് വയ്ക്കുക. അതിനു ശേഷം ചപ്പാത്തി പോലെ പരത്തി കല്ലിൽ ചുട്ടെടുക്കുക. 

തയാറാക്കുന്ന വിധം :

ഒരു പാനിൽ എണ്ണ ചൂടാക്കി വെളുത്തുള്ളിയും പച്ചമുളക് അരിഞ്ഞതും ഇട്ട് വഴറ്റുക. അതിലേക്കു സവാള, കാപ്സിക്കം എന്നിവ ഇട്ട് 2 മിനിട്ട് വഴറ്റുക.അതിലേക്കു എല്ലാ സോസും ആവശ്യത്തിന് ഉപ്പ് ഇട്ട് ഇളക്കുക. കുരുമുളക് പൊടി ഇട്ട് ഇളക്കിയ ശേഷം പനീർ ഇട്ട് ഇളക്കി യോജിപ്പിക്കുക. പറാത്തയുടെ നടുവിൽ ആയി ചില്ലി പനീർ വച്ചു റോൾ ചെയ്യുക.

2.പനീർ ടിക്ക റോൾ :

ചേരുവകൾ :

1.പനീർ - 1കപ്പ്
2.സവാള - 1/2 എണ്ണം  അരിഞ്ഞത്
3.കാപ്സിക്കം - 1/2 എണ്ണം അരിഞ്ഞത്
4.തൈര് - 3 ടീസ്പൂൺ
5.മുളകുപൊടി - 1/4 ടീസ്പൂൺ
6.മല്ലിപൊടി - 1/4 ടീസ്പൂൺ
7.ജീരക പൊടി - 1/4 ടീസ്പൂൺ
8.ഗരം മസാല - 1/4 ടീസ്പൂൺ
9.ഉപ്പ് - ആവശ്യത്തിന്
10.എണ്ണ - 2 ടീസ്പൂൺ  

പറാത്ത മുളകിൽ പറഞ്ഞ പോലെ ഉണ്ടാക്കി എടുക്കുക. 

തയാറാക്കുന്ന വിധം :

തൈര് നന്നായി ഇളക്കിയ ശേഷം 5 മുതൽ 8 വരെയുള്ള ചേരുവകൾ ഇട്ട ശേഷം കുറച്ചു ഉപ്പും ചേർത്ത് നന്നായി ഇളക്കുക. അതിലേക്കു പനീർ ഇട്ട് ഇളക്കി 10 മിനിറ്റ് വയ്ക്കുക. പാനിൽ എണ്ണ ചൂടാക്കി പനീർ മിക്സ്‌ ഇട്ട് ഇളക്കി ഒന്നു വറ്റിച്ചെടുക്കുക. സവാള, കാപ്സിക്കം എന്നിവ ഇട്ട് 2 മിനിറ്റു ഇളക്കുക. പറാത്ത യുടെ നടുവിൽ വച്ചു റോൾ ചെയ്യുക. 

English Summary: Paneer Rolls, Chilli Paneer Roll, Lunch Box Recipe

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA