ഉഗ്രൻ രുചിയിൽ ചിക്കൻ തോരൻ

ചോറിനൊപ്പം അൽപം ചിക്കൻ തോരൻ തയാറാക്കിയാലോ? രുചികരവും പെട്ടെന്ന് തയാറാക്കാവുന്നതുമായ രുചിക്കൂട്ടാണിത്.

ചേരുവകൾ 

• ചിക്കൻ - 250 ഗ്രാം 
• തേങ്ങചിരകിയത് - 1കപ്പ്‌ 
• ചെറിയ ഉള്ളി -12 എണ്ണം 
• പച്ചമുളക് - 3-4 എണ്ണം 
• ഇഞ്ചി - ചെറിയ കഷ്ണം 
• കറിവേപ്പില - 3-4 തണ്ട് 
• മഞ്ഞൾപ്പൊടി -കാൽ ടീസ്പൂൺ 
• കാശ്മീരി മുളകുപൊടി - കാൽ ടീസ്പൂൺ 
• മല്ലിപൊടി - അരടീസ്പൂൺ 
• ഗരംമസാലപ്പൊടി - 1 ടീസ്പൂൺ 
• കുരുമുളകുപൊടി - 2 ടീസ്പൂൺ 
• കടുക്‌ - 1 ടീസ്പൂൺ 
• വെളിച്ചെണ്ണ - 2 ടേബിൾ സ്പൂൺ 
• ഉപ്പ് 

 തയാറാക്കുന്ന വിധം 

•  ചിക്കൻ  ഉപ്പും മഞ്ഞളും കാശ്മീരിമുളകുപൊടിയും ഗരം മസാല പൊടിയും ചേർത്ത് ഒരു അര മണിക്കൂർ പുരട്ടി വയ്ക്കണം
•  അര മണിക്കൂർ പുരട്ടി വെച്ച ചിക്കൻ കുറച്ചു വെള്ളത്തിൽ വേവിച്ചെടുക്കണം
•  തണുത്തതിനുശേഷം ഒന്ന് പിച്ചി എടുക്കണം
•  ഒരു പാനിൽ വെളിച്ചെണ്ണ ഒഴിച്ച് അതിൽ കടുക് പൊട്ടിക്കുക
•  ശേഷം വറ്റൽ മുളക് കറിവേപ്പില ചെറിയ ഉള്ളി പച്ചമുളക് എന്നിവ ചേർത്ത് നന്നായി ഒന്ന് ഇളക്കണം
•  ശേഷം ഉപ്പ് ചേർത്ത് കൊടുക്കാം. 
•  ഇനി ബാക്കിയുള്ള ഗരം മസാലപ്പൊടി, മല്ലിപ്പൊടി, കുരുമുളകുപൊടി എന്നിവ ചേർക്കാം.
•  ഇതിന്റെ ഒരു പച്ചമണം മാറിയതിനുശേഷം തേങ്ങ ചേർത്ത് ഇളക്കി യോജിപ്പിക്കുക. 

English Summary: Serve as a side dish with flavored rice, Ghee rice, Kerala parotta, Chappathi.