നാല് ചേരുവകൾ മാത്രം, കോഫീ പുഡ്ഡിങ്ങിന് ഇത്ര രുചിയോ...

കാപ്പി ഉണ്ടാക്കുന്നത് പോലെ എളുപ്പത്തിൽ തയാറാക്കാവുന്ന ഒരു ഉഗ്രൻ പുഡ്ഡിങ് രുചിയാണിത്. മുട്ട, ചൈനാഗ്രാസ് ഒന്നും ചേർക്കാതെ തന്നെ അതീവ രുചികരമായ പുഡ്ഡിങ്ങാണ് ഇത്.

ചേരുവകൾ

• പാൽ – 3 കപ്പ് (1/2 ലിറ്റർ)
• കോൺഫ്ലോർ – 3 ടേബിൾ സ്പൂൺ
• ഇൻസ്റ്റന്റ് കോഫി പൗഡർ – 1 1/2 ടീസ്പൂൺ
• പഞ്ചസാര – മധുരം അനുസരിച്ച്

കൊക്കോപൗഡർ – 1 ടീസ്പൂൺ (ആവശ്യമെങ്കിൽ)

തയാറാക്കുന്ന വിധം

ഒരു ബൗളിൽ ചേരുവകൾ എല്ലാം നന്നായി യോജിപ്പിച്ചെടുക്കാം. കട്ടപിടിക്കാതെ ഇളക്കി യോജിപ്പിക്കണം. ഈ മിശ്രിതം ഒരു അരിപ്പ ഉപയോഗിച്ച് അരിച്ച് എടുത്ത് ചൂടാക്കാനുള്ള പാനിലേക്ക് മാറ്റാം. അടുപ്പിൽ വച്ച് കൈ എടുക്കാതെ ഇളക്കി ഈ മിശ്രിതം കുറിക്കി എടുക്കണം. നന്നായി കുറികി വരുമ്പോൾ‍ തീയിൽ നിന്നും മാറ്റി തണുക്കാൻ വയ്ക്കാം. തണുത്ത ശേഷം ഫ്രിഡ്ജിൽ വച്ച് നാല് മണിക്കൂർ തണുപ്പിച്ച് എടുക്കാം (ഫ്രീസറിൽ വയ്ക്കരുത്). കൊക്കോ പൗഡർ മുകളിൽ വിതറി അലങ്കരിച്ച് കഴിക്കാം.

English Summary: Delicious Homemade Coffee Pudding