മഴക്കാലത്ത് കുടിക്കാൻ രുചിയുള്ള ഓറഞ്ച് ചായ

മഴക്കാലത്ത് ചെറിയ ചുമ, പനി ഇതൊക്കെ മാറാൻ സഹായിക്കുന്ന ആരോഗ്യ പാനീയമാണിത്. വൈറ്റമിൻ സി ധാരാളം അടങ്ങിയ  ഓറഞ്ച് ചായ.

ചേരുവകൾ 

• വെള്ളം - 2 കപ്പ്
• ഇഞ്ചി - ചെറിയ കഷ്ണം
• പട്ട - ചെറിയ കഷ്ണം
• ചായപ്പൊടി - 1/4 ടീസ്പൂൺ
• ഓറഞ്ച് തൊലി - 1/2 ടീസ്പൂൺ
• ഓറഞ്ചിന്റെ  ജ്യൂസ് - 1
• നാരങ്ങാ നീര് - 1/2
• തേൻ - മധുരത്തിന്

തയാറാക്കുന്ന വിധം 

• ഒരു പാൻ  വെച്ച് അതിലേക്കു 2 കപ്പ് വെള്ളം ഒഴിക്കുക.
• വെള്ളം ഒന്ന് ചൂടായ ശേഷം ഒരു ചെറിയ കഷ്ണം ഇഞ്ചി ചതച്ചത് , പട്ട ചെറിയ കഷ്ണം, 1/4 ടീസ്പൂൺ ചായപ്പൊടി, ഓറഞ്ച്തൊലി 
• ഇവയെല്ലാം  ചേർത്ത് ഒന്ന് തിളച്ച് വരുമ്പോൾ ഒരു ഓറഞ്ചിന്റെ  ജ്യൂസ് പിഴിഞ്ഞതും 1/2 നാരങ്ങാ നീരും കൂടി ചേർക്കുക. 
• ഒന്ന് തിളക്കുമ്പോൾ സ്റ്റൗ ഓഫ് ചെയ്യുക. 
• ചായ കപ്പിലേക്കു അരിച്ചു ഒഴിക്കുക 
• മധുരത്തിന് തേൻ ചേർത്ത് ഇളക്കുക .
• ചൂടോടെ കുടിക്കാം .

English Summary: Orange tea has a citrusy aroma and has a slightly tangy taste.