ചിക്കൻ ഷവർമ്മയും കുബൂസും വീട്ടിൽ തയാറാക്കാം
Mail This Article
അറബിനാടുകളിൽ സുലഭമായി ലഭിക്കുന്ന ചിക്കൻ ഷവർമ്മ മലയാളികൾക്കും ഏറെ പ്രിയമാണ്. വളരെ എളുപ്പത്തിൽ തന്നെ ഷവർമ വീട്ടിൽ തയാറാക്കുന്നത് എങ്ങനെയെന്ന് നോക്കാം.
ചേരുവകൾ
കുബൂസ് തയാറാക്കാനായി
- മൈദ - 2 കപ്പ്
- ഈസ്റ്റ് - ½ ടീസ്പുൺ
- ചെറു ചൂടു വെള്ളം – ആവശ്യത്തിന്
- ഉപ്പ് – ആവശ്യത്തിന്
- പഞ്ചസാര - 1 ടേബിള്സ്പൂൺ
ചിക്കൻ മാരിനേറ്റ് ചെയ്യാൻ
- മുളക്പൊടി - ½ ടീസ്പുൺ
- മഞ്ഞൾപ്പൊടി - 1¼ ടീസ്പുൺ
- അറബിക് മസാല - ¾ ടീസ്പുൺ
- നാരങ്ങാനീര് - 1 ടേബിള്സ്പ്പുൺ
- ചിക്കൻ - 100 ഗ്രാം
- ഉപ്പ് – ആവശ്യത്തിന്
- ഒലിവ് ഓയിൽ – വറക്കാൻ ആവശ്യത്തിന്
ഫില്ലിങ് തയാറാക്കാൻ
മാരിനേറ്റ് ചെയ്ത് വറുത്ത ചിക്കൻ
അരിഞ്ഞ പച്ചക്കറികൾ
- കാരറ്റ് - 2 ടേബിൾസ്പൂൺ
- തക്കാളി - 2 ടേബിൾസ്പൂൺ
- സവാള - 2 ടേബിൾസ്പൂൺ
- കാബേജ് - 2 ടേബിൾസ്പൂൺ
- മയണൈസ് - 4 ടേബിൾസ്പൂൺ
- തഹീന - 1 ടീസ്പൂൺ (നിര്ബന്ധമില്ല)
- തൈര് - 1 ടീസ്പൂൺ
- ഫ്രഞ്ച് ഫ്രൈസ്സ് – ആവശ്യത്തിന്
തയാറാക്കുന്ന വിധം
∙ കുബൂസ് തയാറാക്കാനായി മൈദ, ഈസ്റ്റ്, വെള്ളം, ഉപ്പ്, പഞ്ചസാര എന്നിവ ചേർത്ത് കുഴച്ച് മാവ് ഇരട്ടിയായി പൊന്തി വരുന്നതുവരെ മാറ്റിവച്ച ശേഷം ഒന്നുകൂടെ കുഴച്ച് ചെറിയ ഉരുളകളാക്കി പരത്തി ചുട്ടെടുക്കുക.
∙ ചിക്കൻ മാരിനേറ്റ് ചെയ്യാൻ ആവശ്യമായ ചേരുവകൾ ചേർത്ത് മാരിനേറ്റ് ചെയ്ത് ഒരു മണിക്കൂറിനുശേഷം വറുത്തെടുക്കുക.
∙ വറുത്ത ചിക്കനും പച്ചക്കറികളും മയണൈസും തഹിനയും തൈരും ചേർത്ത് നല്ലതുപോലെ ഇളക്കി യോജിപ്പിക്കുക.
∙ ഓരോ കുബൂസിലും മയോണൈസ്, ഫ്രൈസ്, അതിനു മുകളിൽ പച്ചക്കറികളും ചിക്കനും ചേർത്ത് ബട്ടർ പേപ്പറിൽ അല്ലെങ്കിൽ അലുമിനിയം ഫോയിലിൽ പൊതിഞ്ഞ് എടുക്കുക.
English Summary: Easy homemade chicken shawarma recipe