sections
MORE

വെണ്ടയ്ക്ക മസാല ഇങ്ങനെ തയാറാക്കിയാൽ വേറെ ഒരു കറിയും വേണ്ട

vendakka-masala
SHARE

വെണ്ടയ്ക്ക മസാല ഇങ്ങനെ ഉണ്ടാക്കിയാൽ ചോറിനും ചപ്പാത്തിക്കും വേറെ ഒരു കറിയും വേണ്ട.

ചേരുവകൾ 

  • വെണ്ടക്ക - 200 ഗ്രാം 
  • സവാള - 1 അരിഞ്ഞത്
  • ഇഞ്ചി വെളുത്തുള്ളി പേസ്റ്റ്  - 1 ടീസ്പൂൺ
  • തക്കാളി - 1 അരിഞ്ഞത്
  • പച്ചമുളക് - 2 എണ്ണം അരിഞ്ഞത്
  • ജീരകം - 1 ടീസ്പൂൺ
  • ബേ ലീഫ് ( വയണഇല) - 1 എണ്ണം
  • ഗ്രാമ്പൂ - 2 എണ്ണം
  • ഏലയ്ക്ക - 2 എണ്ണം
  • പട്ട - ചെറിയ കഷ്ണം
  • മുളക്പൊടി - 1 ടേബിൾസ്പൂൺ
  • മല്ലിപ്പൊടി - 1 ടീസ്പൂൺ
  • മഞ്ഞൾപ്പൊടി - 1/4 ടീസ്പൂൺ
  • ഗരംമസാലപൊടി - 1/2 ടീസ്പൂൺ
  • തൈര് - 1/2 കപ്പ്
  • കസൂരി മേത്തി - 1 ടീസ്പൂൺ
  • മല്ലിയില - 1 ടേബിൾസ്പൂൺ അരിഞ്ഞത്
  • എണ്ണ - 3 ടേബിൾസ്പൂൺ
  • ഉപ്പ് - ആവശ്യത്തിന്

തയാറാക്കുന്ന വിധം 

ഒരു പാനിൽ ഒരു ടേബിൾസ്പൂൺ എണ്ണ ഒഴിക്കുക , വെണ്ടയ്ക്ക നീളത്തിൽ അരിഞ്ഞത് എണ്ണയിൽ ഇട്ട് കളർ മാറുന്നത് വരെ വഴറ്റുക , ഇത് ഒരു പാത്രത്തിലേക്ക് മാറ്റി വയ്ക്കുക.

പാനിൽ രണ്ട് ടേബിൾസ്പൂൺ എണ്ണ ഒഴിക്കുക,  ഇതിലേക്ക് ജീരകം, പട്ട, ഗ്രാമ്പൂ, ഏലയ്ക്ക,വയണഇല എന്നിവ ഇട്ട് വറക്കുക. ഇതിലേക്ക് സവാള അരിഞ്ഞത് , ഇഞ്ചി വെളുത്തുള്ളി പേസ്റ്റ് , ഉപ്പ് എന്നിവ ചേർത്ത്‌ നന്നായി വഴറ്റുക .

വഴറ്റിയ സവാളയിലേക്ക് മുളക്പൊടി, മല്ലിപൊടി,മഞ്ഞൾപൊടി, ഗരംമസാലപൊടി ചേർത്ത് വഴറ്റുക. ഇനി തക്കാളി അരിഞ്ഞത്, പച്ചമുളക് 

അരിഞ്ഞത്  കാൽ കപ്പ്‌ വെള്ളം ചേർത്ത് അഞ്ച് മിനിറ്റ് അടച്ച് വെച്ച് വേവിക്കുക. ഇനി അര കപ്പ് തൈര് ചേർത്ത് മിക്സ് ചെയ്യുക ഇതിലേക്ക് വെണ്ടയ്ക്ക ചേർത്ത് ഇളക്കി എണ്ണ തെളിയുന്നത് വരെ വേവിക്കുക. കസൂരി മേത്തി , മല്ലിയില അരിഞ്ഞത്  എന്നിവ  ചേർത്ത് ഇളക്കി ചൂടാടെ ഉപയോഗിക്കാം . രുചികരമായ വെണ്ടക്ക മസാല റെഡി.

English Summary: Dhaba style bhindi masala

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA