പുട്ടിനെ ഉപ്പുമാവാക്കി മാറ്റുന്ന മാജിക്ക്

രാവിലെയുണ്ടാക്കിയ പുട്ട് ബാക്കിയായോ.. എങ്കിൽ ഇനി അതു കളയേണ്ട.. പുട്ടിനെ ഉപ്പുമാവാക്കി മാറ്റാനുള്ള സിംപിൾ മാജിക്ക് പഠിക്കാം.. 

പുട്ട് ഉപ്പുമാവ് 

ചേരുവകൾ 

• പുട്ട് - ഒരു കപ്പ് 
• എണ്ണ - രണ്ട് ടേബിൾസ്പൂൺ 
• കടുക് - ഒരു ടീസ്പൂൺ 
• ഉണക്ക മുളക് - രണ്ടോ മൂന്നോ എണ്ണം 
• കറിവേപ്പില - ആവശ്യത്തിന് 
• സവാള പൊടിയായി അരിഞ്ഞത് - രണ്ട് ടേബിൾസ്പൂൺ 
• ഇഞ്ചി പൊടിയായി അരിഞ്ഞത് - ഒരു ടീസ്‌പൂൺ 
• പച്ചമുളക് പൊടിയായി അരിഞ്ഞത് - ഒരു ടേബിൾസ്പൂൺ 
• മഞ്ഞൾപൊടി - കാൽ ടീസ്പൂൺ 

പാകം ചെയുന്ന വിധം 

എണ്ണ ചൂടാക്കി കടുക് പൊട്ടിച്ച ശേഷം ഉണക്കമുളക് , കറിവേപ്പില, സവാള, ഇഞ്ചി, പച്ചമുളക് എന്നിവ ചേർത്ത് വഴറ്റുക. അതിന് ശേഷം പുട്ട് പൊടിച്ചതും കൂടി ചേർത്ത് കൊടുക്കുക. ഉപ്പ് ആവശ്യമെങ്കിൽ ചേർത്ത് കൊടുക്കാം