വീട്ടിലുള്ള ചേരുവകൾ കൊണ്ട് കർക്കടകം സ്പെഷൽ ഉലുവ കഞ്ഞി

വീട്ടിലുള്ള ചേരുവകൾ കൊണ്ട് എളുപ്പത്തിൽ തയാറാക്കാവുന്ന കർക്കടകം സ്പെഷൽ ഉലുവ കഞ്ഞി. 

ചേരുവകൾ 

• ഉലുവ - 3 സ്പൂൺ
• ഉണക്കലരി അല്ലെങ്കിൽ ഞവരരി അല്ലെങ്കിൽ പച്ചരി - 1 കപ്പ്
• തേങ്ങാ ചിരകിയത്   - അര മുറി 
• ജീരകം - 1 ടീസ്പൂൺ
• മഞ്ഞൾപ്പൊടി - 1/4 ടീസ്പൂൺ
• ഉപ്പ് 

തയാറാക്കുന്ന വിധം  

• ഉലുവ ഒരു രാത്രി മുഴുവൻ വെള്ളത്തിൽ കുതിർത്തെടുക്കുക. 
• അരിയും ഉലുവ ഒരു കുക്കറിൽ ഇട്ട് 4 ഗ്ലാസ് വെള്ളം ഒഴിച്ച് 3-4 വിസിൽ വരെ പാകം ചെയ്യുക 
• ഒരു മിക്സിയിൽ  തേങ്ങാ ചിരകിയതും ജീരകം, മഞ്ഞൾപ്പൊടിയും ആവശ്യത്തിന് വെള്ളം ഒഴിച്ച് ഒന്നാം പാലും  രണ്ടാം പാലും എടുക്കുക. 
• അരി ഉലുവ വെന്ത ശേഷം അതിലേക്ക് ആവശ്യത്തിന് ഉപ്പ് ചേർക്കുക. 
• എന്നിട്ട് രണ്ടാം പാൽ ഒഴിച്ച് അഞ്ച് മിനിറ്റ് തിളപ്പിക്കുക .
• എന്നിട്ട് തീ കുറച്ച് വെച്ച് ഒന്നാം പാൽ ഒഴിച്ച് ഇളക്കി സ്റ്റൗ ഓഫ് ചെയ്യുക. ഉലുവ കഞ്ഞി ചൂടൊടെ കുടിക്കാം.