ADVERTISEMENT

കുരുമുളകും ഗരം മസാലയുമാണ്  ഈ ചിക്കൻ വരട്ടിയതിന്റെ രുചിരഹസ്യം. ചപ്പാത്തിക്കും പൊറോട്ടയ്ക്കും ചോറിനുമൊപ്പം കഴിക്കാം.

ചേരുവകൾ

  • 1.ചിക്കൻ-750 ഗ്രാം
  •    മഞ്ഞൾ പൊടി-1/4 ടീസ്പൂൺ
  •    ഉപ്പ്

ചിക്കൻ മഞ്ഞൾ പൊടിയും ഉപ്പും  അല്പം വെള്ളവും ചേർത്ത് ഒരു വിസിൽ വരുന്നത് വരെ പ്രഷർ കുക്കറിൽ വേവിച്ച് എല്ല് മാറ്റി എടുത്തു വയ്ക്കുക. ചിക്കൻ വേവിച്ച വെള്ളം കളയരുത്.

  • 2. കുരുമുളക് - 2 ടേബൾസ്പൂൺ
  •     വെളുത്തുളളി - 10 അല്ലി
  •     ഇഞ്ചി - ഒരു കഷ്ണം
  •     പെരുംജീരകം- 11/2 ടീസ്പൂൺ
  • ഇവയെല്ലാം കൂടി ചതച്ചെടുക്കുക

 

  • 3. സവാള നീളത്തിൽ അരിഞ്ഞത് - 4
  • 4.തേങ്ങ കൊത്ത് -1/2 കപ്പ്
  • 5. തക്കാളി - 1
  • 6. പച്ചമുളക് -3
  • 7. കറിവേപ്പില
  • 8. വെളിച്ചെണ്ണ - 2 ടേബൾസ്പൂൺ

തയാറാക്കുന്ന വിധം

ചുവടു കട്ടിയുള്ള ഒരു പാത്രത്തിൽ വെളിച്ചെണ്ണ ചൂടാക്കി അരച്ച മസാല വഴറ്റുക.ഇതിന്റെ പച്ചമണം മാറുമ്പോൾ തേങ്ങ കൊത്ത് ചേർത്ത് വഴറ്റി സവാള ചേർക്കാം

സവാള ബ്രൗൺ നിറം ആവുമ്പോൾ കറിവേപ്പിലയും ചിക്കനും, ചിക്കൻ വേവിച്ച വെള്ളവും ചേർത്ത് തീ കൂട്ടി വെച്ച് വറ്റിച്ച് എടുക്കണം. ഇതിലേക്ക് തക്കാളിയും പച്ചമുളകും ചേർത്ത് ബ്രൗൺ നിറം ആവുന്നത് വരെ വഴറ്റി എടുക്കുക. രുചികരമായ ചിക്കൻ വരട്ടിയത് റെഡി

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com