ചൂട് ചോറിനൊപ്പം തക്കാളി പച്ചടി കഴിക്കാം

വളരെ പെട്ടെന്ന് തയാറാക്കാൻ പറ്റുന്ന ഒരു വിഭവമാണ് പച്ചടി. തക്കാളി പച്ചടി ഇനി ഇങ്ങനെ തയാറാക്കി നോക്കൂ. ചൂട് ചോറിനൊപ്പം കിടിലൻ ആണ് ഈ കറി.

ചേരുവകൾ: 

• തക്കാളി - 2 എണ്ണം 
• സവാള - 1 എണ്ണം 
• പച്ചമുളക് - 2 എണ്ണം 
• ഉപ്പ്   

• എണ്ണ - 2  ടേബിൾസ്പൂൺ 
• കടുക് - 1/4 ടീസ്പൂൺ 
• വറ്റൽമുളക് - 2 എണ്ണം 
• കറിവേപ്പില  - 1 തണ്ട് 
• തേങ്ങ - 3/4 കപ്പ് 
• തൈര് - 3/4 കപ്പ്
• കടുക് - 1/4 ടീസ്പൂൺ

തയാറാക്കുന്ന വിധം

• തേങ്ങായും തൈരും കടുകും അരച്ച് മാറ്റി വയ്ക്കുക. 
• ഒരു പാനിൽ എണ്ണ ചൂടാക്കി കടുക് പൊട്ടിക്കുക. ഇതിലേക്ക് വറ്റൽമുളകും കറിവേപ്പിലയും ഇട്ട് നന്നായി യോജിപ്പിക്കുക.
• ഇനി സവാള ഇട്ട് 2 മിനിറ്റ് വഴറ്റുക. ഇതിലേക്ക്  തക്കാളിയും പച്ചമുളകും ഉപ്പും ഇട്ട് വേവിക്കുക.
• തീ ഓഫ് ചെയ്ത് ഇത് നന്നായി തണുത്തതിനു ശേഷം അരപ്പ് ചേർത്ത് നന്നായി യോജിപ്പിച്ച് വിളമ്പാം.