രാജസ്ഥാൻ സ്പെഷൽ, ഗീവർ എന്ന അത്ഭുത രുചി
Mail This Article
ലഡ്ഡുവും ജിലേബിയും കഴിച്ചു മടുത്ത മധുര പ്രിയർക്കായി ഇതാ വേറിട്ട ഒരത്ഭുത രുചി.. രാജസ്ഥാനിലെ ആഘോഷവേദികളിലെ സ്ഥിരം സാന്നിധ്യമാണ് നെയ്യും, പഞ്ചസാരയും സ്വാദോടെ കിനിയുന്ന "ഗീവർ ".
ചേരുവകൾ :
- നെയ്യ് - 1/2 കപ്പ്
- ഐസ് ക്യുബ്സ് - 6 എണ്ണം
- മൈദ - 2 കപ്പ്
- തണുപ്പിച്ച പാൽ - 1/2 കപ്പ്
- തണുത്ത വെള്ളം - 2 1/2 കപ്പ്
- ഒരു നാരങ്ങയുടെ പകുതി നീര്
- പഞ്ചസാര -1 കപ്പ്
- വെള്ളം -1/4 കപ്പ്
തയാറാക്കുന്ന വിധം
നെയ്യും ഐസ് ക്യൂബ്സും ചേർത്തിളക്കി പതപ്പിച്ചു വെള്ള നിറം വരും വരെ ഇളക്കുക. 2 കപ്പ് മൈദ കുറച്ച് കുറച്ചായി ചേർത്ത് തണുപ്പിച്ച പാൽ ഒഴിച്ച് നന്നായി കട്ട കെട്ടാതെ ഇളക്കുക. ശേഷം തണുത്ത വെള്ളം ചേർത്ത് ഇളക്കുക. അതിലേക്ക് നാരങ്ങാ നീരും ചേർക്കുക. തയാറാക്കി വെച്ച ഈ മാവ് നെയ്യോ എണ്ണയോ തിളപ്പിച്ച് ചീന ചട്ടിയിൽ വറുത്തെടുക്കുക. ഒരു നിശ്ചിത പോയിന്റ് കണക്കാക്കി വേണം മാവൊഴിക്കാൻ. ചീനച്ചട്ടിയിലോ, കുക്കറിലോ ചെയ്തെടുക്കാവുന്നതാണ്. ഫ്രൈ ചെയ്തെടുക്കുന്ന ഈ വിഭവത്തിലേക്ക് പഞ്ചസാര ലായനി ഒഴിച്ച് ചേർക്കുക.
English Summary: Ghevar is a Rajasthani cuisine sweet traditionally associated with the Teej Festival