ചോറിനൊപ്പം രുചികരമായ പപ്പടം തോരൻ

pappadam-thoran
SHARE

പപ്പടം കൊണ്ട് പുതിയ രുചിയിൽ ഒരു തോരൻ, ഒരുതവണ ഉണ്ടാക്കിയാൽ പിന്നെയും തയാറാക്കാൻ പോകുന്ന രുചികരമായ പപ്പടം തോരൻ. ചോറ് കഴിക്കാൻ വേറെ കറിയൊന്നും വേണ്ട.

ചേരുവകൾ

1. പപ്പടം - 10 എണ്ണം
2. സവാള/ചെറിയ ഉള്ളി - 1കപ്പ്
3. പച്ചമുളക് - 2
4. മഞ്ഞൾപ്പൊടി - കാൽ ടീസ്പൂൺ
5. മുളകുപൊടി - അര ടീസ്പൂൺ
6. ഉപ്പ് - ആവശ്യത്തിന്
7. വെളിച്ചെണ്ണ - ഒരു ടേബിൾസ്പൂൺ
8. കടുക് – ഒരു ടീസ്പൂൺ
9. ഉഴുന്ന്പരിപ്പ് – ഒരു ടീസ്പൂൺ
10. ഉണക്കമുളക് – രണ്ടെണ്ണം
11. കറിവേപ്പില

തയാറാക്കുന്ന വിധം

  • പപ്പടം ചെറിയ കഷ്ണങ്ങളാക്കി മുറിച്ച് എണ്ണയിൽ നന്നായി വറത്ത് കോരുക.
  • ചുവടുകട്ടിയുള്ള ഒരു പാത്രത്തിൽ  വെളിച്ചെണ്ണ ചൂടാക്കി കടുക് പൊട്ടിക്കാം. ഇതിലേക്ക് ഉഴുന്ന്പരിപ്പ് ചേർത്ത്  ഇളം ബ്രൗൺ നിറമാകുമ്പോൾ കറിവേപ്പിലയും ഉണക്കമുളകും ചേർത്ത് മൂപ്പിക്കുക.
  • ചെറുതായി അരിഞ്ഞ സവാള അല്ലെങ്കിൽ ചെറിയ ഉള്ളി, പച്ചമുളക് എന്നിവ ചേർത്ത് നന്നായി വഴറ്റിയെടുക്കുക. മഞ്ഞൾപ്പൊടിയും മുളകുപൊടിയും ചേർത്ത് വഴറ്റി പച്ചമണം മാറുമ്പോൾ  തേങ്ങയും ആവശ്യത്തിന് ഉപ്പും ചേർത്ത് കൊടുക്കാം.
  • എല്ലാം കൂടി നന്നായി യോജിച്ചു വരുമ്പോൾ  വറുത്ത് വച്ചിരിക്കുന്ന പപ്പടം ചേർത്ത് ഇളക്കി തീ ഓഫ് ചെയ്യാം. രുചികരമായ പപ്പട തോരൻ തയാർ.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA