ഗോതമ്പ് പൊടി കൊണ്ട് എളുപ്പത്തിൽ നല്ല സോഫ്റ്റ് ഇടിയപ്പം

പ്രഭാത ഭക്ഷണത്തിന് ഇടിയപ്പം ഇങ്ങനെ തയാറാക്കി നോക്കൂ. ഗോതമ്പ് പൊടി കൊണ്ട് എളുപ്പത്തിൽ നല്ല സോഫ്റ്റ് ഇടിയപ്പം തയാറാക്കാം.

ചേരുവകൾ

1.ഗോതമ്പ് പൊടി - ഒരു കപ്പ്
2.തിളച്ച വെള്ളം - ആവശ്യത്തിന്
3.ഉപ്പ് - ആവശ്യത്തിന്
4.നെയ്യ് - 1 ടീസ്പൂൺ
5. തേങ്ങ ചിരകിയത് - ഒരു കപ്പ്

തയാറാക്കുന്ന വിധം

• ഗോതമ്പുപൊടി  ആവിയിൽ  10 മിനിറ്റ് വേവിക്കുക. ഒരു പാനിൽ ചെറിയ തീയിൽ വറുത്ത് എടുത്താലും മതി.
• പൊടിയുടെ ചൂട് ആറിയ ശേഷം ആവശ്യത്തിന് ഉപ്പ് ചേർത്ത് , തിളച്ച വെള്ളം അൽപ്പാൽപ്പമായി ഒഴിച്ച് കുഴച്ച് എടുക്കാം.
• കൈകൊണ്ട് നല്ല മയത്തിൽ കുഴച്ചെടുക്കുക. കുഴയ്ക്കുമ്പോൾ അല്പം നെയ്യ്  കൂടി ചേർത്തു കൊടുത്താൽ രുചി കൂടും.
• ഇത് സേവനാഴിയിൽ നിറച്ച് ഒരു ഇഡ്ഡലി തട്ടിലോ വാഴയിലയിലോ ചുറ്റിച്ച് എടുക്കുക. അല്പം ചിരകിയ തേങ്ങ വിതറിയാൽ രുചി കൂടും
• പ്രഭാത ഭക്ഷണത്തിന് ഇടിയപ്പം ഇങ്ങനെ തയാറാക്കി നോക്കൂ. ഗോതമ്പ് പൊടി കൊണ്ട് എളുപ്പത്തിൽ നല്ല സോഫ്റ്റ് ഇടിയപ്പം തയാറാക്കാം.