ക്രീമി ചിക്കൻ കുറുമ, കുട്ടികൾക്കിഷ്ടപ്പെട്ട രുചിയിൽ

chicken-kurma
SHARE

ചിക്കൻ കറി ഇങ്ങനെ തയാറാക്കി നോക്കൂ. വളരെ പെട്ടെന്ന് ഉണ്ടാക്കാം, കുട്ടികൾക്കും ഇഷ്ടപ്പെടുന്ന ചിക്കൻ കുറുമയാണിത്.

ചേരുവകൾ

  • കശുവണ്ടി – 10  എണ്ണം (1/4 കപ്പ് ചെറുചൂടുവെള്ളത്തിൽ കുതിർത്തത്)
  • കറുവപ്പട്ട – 2 ഇഞ്ച് നേർത്തത്
  • കുരുമുളക് – 1/2 ടീസ്പൂൺ
  • ഗ്രാമ്പൂ – 4-5 
  • ഏലയ്ക്കായ – 3-4 
  • മല്ലി – 2 ടേബിൾ സ്പൂൺ 
  • ജീരകം – 1/4 ടീസ്പൂൺ 
  • പെരുഞ്ചീരകം – 1 ടേബിൾ സ്പൂൺ 
  • സവാള – 1 
  • ഇഞ്ചി – 2 ഇഞ്ച് നീളത്തിൽ 
  • വെളുത്തുള്ളി അല്ലി – 4-5 
  • തേങ്ങ ചിരകിയത് – 3 ടേബിൾസ്പൂൺ
  • 1 കിലോഗ്രാം ചിക്കൻ (ഇടത്തരം കറി കഷ്ണങ്ങളാക്കിയത്)
  • 1 സവാള
  • 4-6 പച്ചമുളക് (എരിവിന് അനുസരിച്ച് മുളക് ചേർക്കുക)
  • 1 /2 ടീസ്പൂൺ മഞ്ഞൾപ്പൊടി
  • ഉപ്പ്
  • 1 മുതൽ 1.5 കപ്പ് ചെറുചൂടുവെള്ളം 

തയാറാക്കുന്ന വിധം

  • 10 -12 കശുവണ്ടി പരിപ്പ് കാൽ കപ്പ് വെള്ളത്തിൽ കുതിർത്തു വയ്ക്കുക
  • ഒരു പാൻ അടുപ്പിൽ വച്ച് കറുവപ്പട്ട, കുരുമുളക്, ഗ്രാമ്പു, ഏലയ്ക്ക, മല്ലി, ജീരകം, പെരുംജീരകം എന്നിവ ചെറു തീയിൽ ചൂടാക്കുക. നല്ലപോലെ മണം വന്നു തുടങ്ങുമ്പോൾ ഒരു മിക്സിയുടെ ജാറിലിട്ട് പൊടിച്ച് എടുക്കാം.
  • അതേ പാനിൽ ഒരു ടേബിൾ സ്പൂൺ വെളിച്ചെണ്ണ ഒഴിച്ച് ചെറുതായി അരിഞ്ഞു വച്ചിരിക്കുന്ന സവാളയും ഇഞ്ചിയും വെളുത്തുള്ളിയും സ്വർണ നിറം ആകുന്നത് വരെ വഴറ്റുക
  • ചൂടാറിയ ശേഷം മിക്സിയുടെ ജാറിലേക്ക് മാറ്റുക. അതിന്റെ കൂടെ തേങ്ങാ ചിരകിയതും കുതിർത്ത കശുവണ്ടിയും ആവശ്യത്തിന് വെള്ളവും ചേർത്തു നന്നായി അരച്ചെടുക്കുക. 
  • ഒരു വലിയ പാത്രത്തിൽ 2 ടേബിൾ സ്പൂൺ വെളിച്ചെണ്ണ ഒഴിച്ച് ചൂടാക്കുക. അതിലേക്കു കനം കുറച്ചു അരിഞ്ഞു വച്ചിരിക്കുന്ന സവാളയും പച്ചമുളകും ചേർത്ത് നന്നായി വഴറ്റുക.
  • അതിലേക്കു മുറിച്ചു വൃത്തിയായി വച്ചിരിക്കുന്ന ചിക്കൻ, മഞ്ഞൾപ്പൊടിയും ഉപ്പും ചേർത്ത് ഇളകിയ ശേഷം 10 മിനിറ്റ് അടച്ചു വച്ച് വേവിക്കുക.
  • പാത്രത്തിന്റെ മൂടി തുറന്നു തയാറാക്കി വച്ചിരിക്കുന്ന അരപ്പും ആവശ്യത്തിന് വെള്ളവും ചേർക്കാം.
  • പാത്രം മൂടി വച്ചു ചിക്കൻ നന്നായി വേവിച്ചെടുക്കുക. ഏകദേശം 30 മിനിറ്റ് മതിയാകും
  • കറിവേപ്പില മുകളിൽ ഇട്ട് കുറച്ചു നേരം അടച്ചു വക്കം.
  • ഇത് ചോറിനും ചപ്പാത്തിക്കും അപ്പത്തിനുമൊപ്പം വിളമ്പാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA