പൂ പോലെ പാലപ്പം, തനിനാടൻ രുചിക്കൂട്ട്

palappam
SHARE

പതുപതുത്ത പാലപ്പം ഇങ്ങനെ തയാറാക്കിയാൽ കറിയൊന്നും ഇല്ലെങ്കിലും കഴിക്കാം. കപ്പി കുറുക്കി ചേർക്കാതെ തന്നെ നല്ല മൃദുലമായ പാലപ്പം തയാറാക്കാം. മുട്ടക്കറി, മട്ടൻ സ്റ്റ്യൂ, വെജിറ്റബിൾ കുറുമ, ബീഫ് കറി, കടലക്കറി...ഇതിൽ ഏത് വേണമെങ്കിലും ഈ പാലപ്പത്തിനൊപ്പം കറിയായി ഉപയോഗിക്കാം.

ചേരുവകൾ

  • പച്ചരി - 2 ഗ്ലാസ്
  • ചോറ് – 1 ഗ്ലാസ്
  • തേങ്ങ ചിരകിയത് – 1ഗ്ലാസ് 
  • യീസ്റ്റ് –3/4 ടീസ്പൂൺ 
  • പഞ്ചസാര – ആവശ്യത്തിന്

തയാറാക്കുന്ന വിധം

  • പച്ചരി 6 മണിക്കുർ  കുതിരാൻ വയ്ക്കണം.
  • ഡ്രൈ യീസ്റ്റ് ആണെങ്കിൽ ചെറിയ ചൂടു വെള്ളത്തിൽ 3 ടീസ്പൂൺ പഞ്ചസാര കൂടി ചേർത്തു 10-15  മിനിറ്റ് പൊങ്ങാൻ വയ്ക്കണം.
  • ഇൻസ്റ്റൻറ് യീസ്റ്റ് ആണെങ്കിൽ ഇങ്ങനെ ചെയ്യണ്ട ആവശ്യം ഇല്ല.
  • കഴുകി എടുത്ത പച്ചരിയും ചോറും യിസ്റ്റും മിക്‌സിൽ നല്ല തണുത്ത വെള്ളവും ചേർത്ത് നീണ്ട് പോകാതെ അരച്ചെടുക്കണം.
  • 8 മണിക്കൂർ പുളിച്ച് പൊങ്ങാൻ വയ്ക്കുക.
  • മാവ് പുളിച്ച് റെഡി ആയി കഴിയുമ്പോൾ ഒരു ഗ്ലാസ്സ് തേങ്ങ ചിരകിയത് നല്ല മയത്തിൽ അരച്ച് ചേർക്കണം.
  • ആവശ്യത്തിനുള്ള ഉപ്പും മധുരം ഇഷ്ടമാണെങ്കിൽ കുറച്ച് പഞ്ചസാരയും ചേർത്തതിന് ശേഷം നല്ലവണ്ണം ഇളക്കി യോജിപ്പിച്ച് അരമണിക്കൂർ അടച്ചു വയ്ക്കുക.
  • മാവ് നല്ലവണ്ണം പൊങ്ങി വരും. പിന്നീട് ഇളക്കാൻ പാടില്ല. മുകളിൽ പതഞ്ഞുപൊങ്ങിയ ഭാഗത്തു നിന്നും കോരി അപ്പം ചുട്ടെടുക്കാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA