പാഷൻ ഫ്രൂട്ട് കൊണ്ട് ഞൊടിയിടയിൽ 3 വിഭവങ്ങൾ
Mail This Article
പാഷൻ ഫ്രൂട്ട് അച്ചാർ, ചമ്മന്തി , ചായ എന്നിവയാണ് വെറും പത്തു മിനിറ്റിൽ വീട്ടിൽ തയാറാക്കാൻ പറ്റുന്നത്. ഒരു പാട് വൈറ്റമിൻസ് അടങ്ങിയ പാഷൻ ഫ്രൂട്ടിന്റെ ഈ വിഭവങ്ങൾ കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും. പാഷൻ ഫ്രൂട്ട് കൊണ്ട് ഞൊടിയിടയിൽ മൂന്നു വിഭവങ്ങൾ ഉണ്ടാക്കിയാലോ?. അടിപൊളി സ്വാദിനു പുറമെ രോഗപ്രതിരോധ ശക്തി കൂട്ടാനും ഇതു ബെസ്റ്റാണ്.
1. പാഷൻ ഫ്രൂട്ട് ചമ്മന്തി
ചേരുവകൾ :
- പാഷൻ ഫ്രൂട്ട് - ഒരെണ്ണം
- ഉള്ളി - 7 എണ്ണം
- പച്ചമുളക് - 3 എണ്ണം
- തേങ്ങാ - 1/2 കപ്പ്
- ഉപ്പ് – ആവശ്യത്തിന്
- കറിവേപ്പില - 2 തണ്ട്
തയാറാക്കുന്ന വിധം
മുകളിൽ പറഞ്ഞ ചേരുവകൾ എല്ലാം മിക്സിയിൽ ഒന്ന് ചതച്ചെടുക്കുക പാഷൻ ഫ്രൂട്ട് ചമ്മന്തി തയാർ.
2. പാഷൻ ഫ്രൂട്ട് ചായ
ചേരുവകൾ :
- പാഷൻ ഫ്രൂട്ട് - 1 എണ്ണം
- തേയില - ആവശ്യത്തിന്
- പഞ്ചസാര- ആവശ്യത്തിന്
- പുതിനയില - 1 തണ്ട്
- വെള്ളം – ആവശ്യത്തിന്
തയാറാക്കുന്ന വിധം :
ചൂട് വെള്ളത്തിൽ തേയില ഇട്ട് ചായ തിളപ്പിക്കുക. ശേഷം ഒരു ഗ്ലാസിൽ പാഷൻ ഫ്രൂട്ട് ഇടുക, പുതിന ഇല ഇടുക, ആവശ്യത്തിന് മധുരം ചേർത്ത് കുടിക്കാം.
3. പാഷൻ ഫ്രൂട്ട് അച്ചാർ
ചേരുവകൾ
- പാഷൻ ഫ്രൂട്ട് ചെറുതായി അരിഞ്ഞത് - 2 എണ്ണം ഉപ്പിട്ട് ഒരു ദിവസം മുൻപ് അരിഞ്ഞു വച്ചത്.
- മഞ്ഞൾപ്പൊടി - 1/4 ടീസ്പൂൺ
- മുളകുപൊടി - 1 ടീസ്പൂൺ
- കായപ്പൊടി - 1 പിഞ്ച്
- വെളുത്തുള്ളി - 15 അല്ലി
- ഇഞ്ചി - ചെറുതായി അരിഞ്ഞത്
- കറിവേപ്പില - 2 തണ്ട്
- പച്ചമുളക് - 4 എണ്ണം അരിഞ്ഞത്
- നല്ലെണ്ണ - ആവശ്യത്തിന്
- വിനാഗിരി - ആവശ്യത്തിന്
- ഉപ്പ് - ആവശ്യത്തിന്
തയാറാക്കുന്ന വിധം
പാൻ ചൂടാകുമ്പോൾ നല്ലെണ്ണ ഒഴിക്കുക, കടുക് വറുക്കുക. ശേഷം വെളുത്തുള്ളി, ഇഞ്ചി, കറിവേപ്പില, പച്ച മുളക് അരിഞ്ഞത്, കായപ്പൊടി, മുളകുപൊടി, മഞ്ഞൾപ്പൊടി, ഉപ്പ് എന്നിവ ഒന്നിന് പുറകെ ഒന്നായി ഇട്ട് കൊടുക്കുക. ഇതിലേക്ക് 3 ടേബിൾ സ്പൂൺ വിനാഗിരി ഒഴിക്കുക. അതിലേക്ക് പാഷൻ ഫ്രൂട്ട് ചേർത്ത് യോജിപ്പിക്കുക. രണ്ട് മിനിറ്റിനു ശേഷം വാങ്ങാം. ചൂട് കുറഞ്ഞശേഷം കുപ്പിയിൽ സൂക്ഷിക്കാം.