അമ്മ തയാറാക്കുന്ന രുചിയിൽ ചിക്കൻ മുളകിട്ടത് 

വീട്ടിലുള്ള ചേരുവകൾ കൊണ്ട് രുചികരമായ ചിക്കൻ വരട്ട് തയാറാക്കുന്നത് എങ്ങനെയെന്നു നോക്കാം.

ചേരുവകൾ:

• ചിക്കൻ - 1 കിലോ 
• ചെറിയ ഉള്ളി - 300 ഗ്രാം 
• മുളകുപൊടി - 4 ടേബിൾ സ്പൂൺ 
• മഞ്ഞൾപ്പൊടി - 1/2 ടീസ്പൂൺ 
• ഇഞ്ചി പേസ്റ്റ്  - 1 ടീസ്പൂൺ 
• വെളുത്തുള്ളി പേസ്റ്റ് - 1 ടീസ്പൂൺ 
• ഉപ്പ് - ആവശ്യത്തിന് 
• വെളിച്ചെണ്ണ 

 തയാറാക്കുന്ന വിധം

• ചിക്കൻ ചെറിയ കഷ്ണങ്ങളാക്കി എടുക്കുക. ഇതിലേക്ക് മുളകുപൊടിയും  മഞ്ഞൾപ്പൊടിയും ഉപ്പും ചേർത്ത് നന്നായി യോജിപ്പിക്കുക. ഇത് അരമണിക്കൂർ വയ്ക്കുക. 
• ഒരു പാനിൽ വെളിച്ചെണ്ണ ഒഴിച്ചു ചൂടാകുമ്പോൾ ഇതിലേക്ക് അരിഞ്ഞു വച്ചിരിക്കുന്ന ചെറിയ ഉള്ളി, ഇഞ്ചി- വെളുത്തുള്ളി പേസ്റ്റ് എന്നിവ ചേർത്ത് വഴറ്റുക. 
• ഇതിലേക്ക് യോജിപ്പിച്ച് വച്ചിരിക്കുന്ന  ചിക്കൻ ചേർത്ത് നന്നായി യോജിപ്പിക്കുക. 
• ഒരു പത്തു മിനിറ്റ് സമയം അടച്ചുവച്ചു  വേവിക്കുക. ചിക്കനിൽ  നിന്ന് വെള്ളം ഇറങ്ങി നന്നായി വെന്തു കഴിയുമ്പോൾ ചെറിയ തീയിലേക്ക് മാറ്റിയിട്ടു അടപ്പ് തുറന്നു വെച്ച് നന്നായി വരട്ടി എടുക്കുക.