യീസ്റ്റ് ചേർക്കാതെ സൂപ്പർ വെള്ളയപ്പം

ഒട്ടും യീസ്റ്റ് ചേർക്കാതെ നല്ല മയത്തിൽ വെള്ളയപ്പം തയാറാക്കുന്നത് എങ്ങനെയെന്നു നോക്കാം.

ചേരുവകൾ

• പച്ചരി -  2  കപ്പ്  (500 ml)
• ഉഴുന്ന് -  3  ടേബിൾ സ്പൂൺ
• തേങ്ങ  ചിരകിയത് -  1  കപ്പ്
• ചോറ് -  1  കപ്പ്
• ചെറിയ ഉള്ളി -  8  എണ്ണം
• വെളുത്തുള്ളി -  3  അല്ലി
• ജീരകം -  1/2 ടീസ്പൂൺ

തയാറാക്കുന്ന വിധം...

• പച്ചരിയും ഉഴുന്നും കഴുകി വൃത്തിയാക്കി 6 മണിക്കൂർ കുതിരാൻ വയ്ക്കുക.
  
• കുതിർത്തെടുത്ത പച്ചരി–ഉഴുന്ന് മിശ്രിതത്തിലേക്ക് തേങ്ങയും ചോറും ചേർത്ത് അരച്ച് 8 മണിക്കൂർ പുളിയ്ക്കാൻ വയ്ക്കുക.
• 8 മണികൂറിനു ശേഷം ചെറിയ ഉള്ളിയും വെളുത്തുള്ളിയും ജീരകവും ചതച്ചു  ചേർത്ത് ആവശ്യത്തിനുള്ള ഉപ്പും പഞ്ചസാരയും ചേർത്ത് ഇളക്കി നല്ല സൂപ്പർ വെള്ളയപ്പം ചുട്ടെടുക്കാം.