ചോറിന് കൂട്ടാൻ തേങ്ങാപ്പാലിൽ തിളപ്പിച്ച കരിമീൻ കറി

ഊണ് ഉഗ്രൻ ആക്കുന്ന ഒരു മീൻ കറി. തേങ്ങാപ്പാലിൽ തിളപ്പിച്ച കരിമീൻ കറി.

ചേരുവകൾ

• കരിമീൻ - 500 ഗ്രാം
• ഇഞ്ചി - ഒരു ചെറിയ കഷ്ണം
• ചെറിയ ഉള്ളി - 12എണ്ണം
• തേങ്ങാപ്പാൽ - 1.5 ഗ്ലാസ്
• കുടംപുളി - 2 എണ്ണം

മസാലക്കു വേണ്ടത്
• മഞ്ഞൾപ്പൊടി - 1/2 ടീസ്പൂൺ
• എരിവുള്ള മുളകുപൊടി - 1 ടീസ്പൂൺ
• കാശ്മീരി മുളകുപൊടി - 2 ടീസ്പൂൺ

തയാറാക്കുന്ന വിധം

• ഒരു ചട്ടിയിലേക്ക് ഇഞ്ചിയും ചെറിയ ഉള്ളിയും ചതച്ചത് ഇട്ട് കൊടുക്കുക.. കുറച്ച് കറിവേപ്പില കൂടി ചേർക്കാം.
• ഇനി ഇതിലേക്ക് മസാലപ്പൊടികൾ ചേർത്തു നന്നായി ഞെരടി യോജിപ്പിക്കുക.
• ഒന്നര ഗ്ലാസ്സ് തേങ്ങാപ്പാൽ കൂടി ചേർത്തു ഇളക്കിയതിന് ശേഷം കുതിർത്ത് വച്ചിരിക്കുന്ന കുടമ്പുളിയും ആവശ്യത്തിനുള്ള ഉപ്പും ചേർത്ത് തിളപ്പിക്കുക.
• തിളച്ചു വരുമ്പോൾ മീൻ ചേർത്ത് കൊടുക്കാം.
• അടച്ചുവെച്ച് ചെറിയ തീയിൽ 15 മിനിറ്റോളം വേവിച്ചെടുക്കണം.
• തേങ്ങാപ്പാലിൽ നിന്നു എണ്ണ തെളിഞ്ഞു കഴിയുമ്പോൾ തീ ഓഫ് ചെയ്യാം.
• ചെറിയ ഉള്ളി വെളിച്ചെണ്ണയിൽ താളിച്ച് കറിയിൽ ചേർക്കാം.
• രണ്ടു തണ്ട് കറിവേപ്പില കൂടി ചേർത്ത് ചട്ടി അടച്ചു വയ്ക്കാം.
• അര മണിക്കൂറിനു ശേഷം ഉപയോഗിക്കാം.

English Summary : Karimeen Thilappichathu