ഗോതമ്പ് പൂരി എളുപ്പത്തിൽ തയാറാക്കാം

എളുപ്പത്തിൽ സോഫ്റ്റ് ആയിട്ടുള്ള ഗോതമ്പ് പൂരി ഉണ്ടാക്കാം 

ചേരുവകൾ

• ഗോതമ്പ്‌ പൊടി - 3 കപ്പ്
• ഉപ്പ് – ആവശ്യത്തിന് 
• ചെറിയ  ചൂട് വെള്ളം – 1 1/4 - 1 1/2 കപ്പ്
• എണ്ണ – ആവശ്യത്തിന്

തയാറാക്കുന്ന വിധം

1. ഗോതമ്പുപൊടിയിൽ  ഉപ്പ് ചേർത്ത് ആവശ്യത്തിന്‌ വെള്ളം ഒഴിച്ച് കുഴച്ചെടുക്കുക. മാവ്‌ നന്നായി 10 മിനിറ്റ് കുഴയ്ക്കണം. ഈ മാവ് നാല് മണിക്കൂർ വയ്ക്കണം.

2. കുഴച്ച മാവില്‍ നിന്നും നാരങ്ങാ വലുപ്പത്തിൽ ഉരുളകള്‍ എടുക്കുക.

3. ഈ ഉരുളകള്‍ 4 - 5 ഇഞ്ച് വലുപ്പത്തിൽ പരത്തി ചൂടായി കിടക്കുന്ന എണ്ണയില്‍ ഇട്ട്‌ ഗോൾഡൻ നിറമാകുമ്പോള്‍ കോരിയെടുക്കുക.