ക്രിസ്മസിന് രുചികരമായി ബീഫ് സ്റ്റ്യൂ ഉണ്ടാക്കാം

സൂപ്പർ രുചിയിൽ ബീഫ് തയാറാക്കിയാൽ അപ്പം, ഇടിയപ്പം...ഏതിന്റെ കൂടെയും കഴിക്കാം.

ചേരുവകൾ

• ബീഫ് - 500  ഗ്രാം
• കുരുമുളക് പൊടി  – 1 ടീസ്പൂൺ 
• വിനാഗിരി - 1 ടീസ്പൂൺ
• സവാള - 1 (മീഡിയം സൈസ് കനം കുറച്ചു അറിഞ്ഞത്)
• ഇഞ്ചി - ചെറിയ കഷ്ണം 
• വെളുത്തുള്ളി - 4 അല്ലി 
• പച്ചമുളക് - 3 എണ്ണം (നീളത്തിൽ അരിഞ്ഞത്)
• ഉരുളക്കിഴങ്ങ് - 1 (മീഡിയം ചതുര കഷണങ്ങളായി മുറിച്ചത്)
• കാരറ്റ് - 1 (ചതുര കഷണങ്ങളായി മുറിച്ചത്)
• കശുവണ്ടി - 12 എണ്ണം 
• കറുവാപ്പട്ട - 2 കഷ്ണം
• ഏലക്കായ - 4 എണ്ണം 
• ഗ്രാമ്പൂ - 6 എണ്ണം 
• തേങ്ങാപ്പാൽ - 3 / 4  ഗ്ലാസ് (ഒന്നാംപാൽ)
• തേങ്ങാപ്പാൽ - 2  ഗ്ലാസ് (രണ്ടാംപാൽ)
• കറിവേപ്പില - ആവശ്യത്തിന് 
• ഉപ്പ് - ആവശ്യത്തിന് 

തയാറാക്കുന്ന വിധം

• ഒരു പ്രഷർ കുക്കറിൽ  ബീഫ്, കുരുമുളക് പൊടി, വിനാഗിരി, ആവശ്യത്തിനുള്ള ഉപ്പ് എന്നിവ ചേർത്ത് ഇളക്കി  90 % വേവിച്ചെടുക്കുക. 

• ഒരു പാനിൽ എണ്ണ ചൂടാക്കി സ്പൈസസ് ഇട്ടു കൊടുക്കാം. 

• ഇഞ്ചിയും വെളുത്തുള്ളിയും ചതച്ചു ചേർക്കാം. 

• പച്ചമണം മാറുമ്പോൾ സവാള കുറച്ചു ഉപ്പ്കൂടി ചേർത്ത് വഴറ്റുക.

• വഴന്നു തുടങ്ങുമ്പോൾ കിഴങ്ങും കാരറ്റും പച്ചമുളകും ചേർക്കാം. 

• ഒന്ന് ഇളക്കി യോജിപ്പിച്ചതിനു ശേഷം കുക്കറിൽ വേവിച്ച ബീഫ് ചാറോടു കൂടി ചേർക്കുക.

• തിളച്ചു വരുന്ന സമയത്തു രണ്ടാം പാൽ ചേർത്ത് കൊടുക്കാം.

• കുറച്ചു കറിവേപ്പില കൂടി ചേർക്കാം.

• മീഡിയം ഫ്ളെയിമിൽ അടച്ചു വച്ച് വേവിക്കുക. 

• കശുവണ്ടി അരച്ചെടുത്തത് ചേർക്കുക. 

• ഇനി ഒന്നാംപാലും കുറച്ചു കറിവേപ്പിലയും കൂടി ചേർത്ത്  തീ ഓഫ് ചെയ്യാം. 

• കുറച്ചു കുരുമുളക് പൊടി കൂടി ചേർത്ത് ഇളക്കി കൊടുക്കാം.

നല്ല സൂപ്പർ ടെസ്റ്റിൽ ബീഫ് സ്റ്റ്യൂ റെഡി! അര മണിക്കൂർ ഒന്ന് അടച്ചു വച്ചിരുന്നാൽ ഗ്രേവി ഒക്കെ ഒന്നൂടെ കുറകി നല്ല ടേസ്റ്റ് ആയി വരും