ജിൻജർ ബ്രഡ് കപ്പ് കേക്ക് എളുപ്പത്തിൽ തയാറാക്കാം
Mail This Article
എളുപ്പത്തിൽ അടിപൊളി ജിൻജർബ്രെഡ് കപ്പ്കേക്ക് തയാറാക്കുന്നത് എങ്ങനെയെന്നു നോക്കാം.
ചേരുവകൾ :
കപ്പ്കേക്ക് തയാറാക്കാൻ :
- മൈദ - 1 1/3 കപ്പ്
- ബേക്കിങ് പൗഡർ - 1/2 ടീസ്പൂൺ
- സോഡാപ്പൊടി - 1/2 ടീസ്പൂൺ
- ഉപ്പ് - 1/4 ടീസ്പൂൺ
- കറുവാപ്പൊടി - 1 ടീസ്പൂൺ
- ജാതിക്കാപ്പൊടി - 1/4 ടീസ്പൂൺ
- ഇഞ്ചിപ്പൊടി - 1/2 ടീസ്പൂൺ
- ഉപ്പില്ലാത്ത ബട്ടർ - 1/2 കപ്പ്
- ബ്രൗൺ ഷുഗർ - 1/2 കപ്പ്
- മുട്ട - 1
- ഇഞ്ചി ചതച്ചത് - 1/2 ടീസ്പൂൺ
- വാനില എസ്സെൻസ് - 1 ടീസ്പൂൺ
- മൊളാസ്സസ് - 1/3 കപ്പ്
- പാൽ - 1/3 കപ്പ്
ഐസിങ്ങ് തയാറാക്കാൻ :
- ക്രീം ചീസ് - 1/2 കപ്പ്
- ഉപ്പിലാത്ത ബട്ടർ - 2 ടേബിൾസ്പൂൺ
- ഐസിംഗ് ഷുഗർ - 2 കപ്പ്
തയാറാക്കുന്ന വിധം :
• ഒരു ബൗളിൽ മൈദ, ബേക്കിങ് പൗഡർ, സോഡാപ്പൊടി, ഉപ്പ്, കറുവാപ്പൊടി, ജാതിക്കാ പൊടി, ഇഞ്ചിപ്പൊടി എന്നിവ ചേർത്ത് നന്നായി അരിച്ച് യോജിപ്പിച്ചു മാറ്റി വയ്ക്കുക.
• വേറൊരു ബൗളിൽ ബട്ടറും ബ്രൗൺ ഷുഗറും ഇട്ട് നന്നായി യോജിപ്പിക്കുക. ഇതിലോട്ട് മുട്ട, വാനില എസ്സൻസ്, ചതച്ച ഇഞ്ചി, മൊളാസ്സസ് എന്നിവ ചേർത്ത് യോജിപ്പിക്കുക. ഇതിൽ മൈദയുടെ മിശ്രിതവും പാലും മാറി മാറി ഇട്ട് കൊടുത്ത് നന്നായി ഇളക്കി കൂട്ടി ചേർക്കുക.
• ഇത് കുറേശ്ശേ കപ്പ്കേക്ക് മോൾഡിൽ എടുത്ത് പ്രീ ഹീറ്റ് ചെയ്ത അവ്നിൽ 15 - 20 മിനിറ്റ് (150 ഡിഗ്രി) വരെ ബേക്ക് ചെയ്ത് എടുക്കുക.
• ഐസിംഗിന് വേണ്ടി ഒരു ബൗളിൽ ക്രീം ചീസും ബട്ടറും ഐസിംഗ് ഷുഗറും നന്നായി യോജിപ്പിക്കുക.
• കപ്പ് കേക്ക് ചൂട് ആറിയ ശേഷം തയാറാക്കിയ ഐസിങ് ഒരു പൈപ്പിങ് ബാഗിൽ നിറച്ച് ഇഷ്ടമുള്ളപോലെ അലങ്കരിക്കാവുന്നതാണ്.