കൂവക്കുറുക്കിൽ കിനിയുന്ന തിരുവാതിര മധുരം...

HIGHLIGHTS
  • തിരുവാതിര സ്പെഷൽ കൂവ കുറുക്ക്
  • പപ്പടവും ചെറുപഴവും ചേർത്ത് കഴിക്കാം
koova
SHARE

ധനുമാസ തിരുവാതിരയുടെ വരവറിയിക്കാൻ കേരളീയ ഗൃഹങ്ങളിൽ അനുഷ്ടാനം പോലെ പാകം ചെയ്തു വരുന്ന വിശിഷ്ടവും സ്വദേറിയതുമായ മധുര വിഭവമാണ് കൂവ കുറുക്കിയത്. പപ്പടവും ചെറുപഴവും ചേർത്ത് കഴിക്കാം.

ചേരുവകൾ :

  • കൂവപ്പൊടി - 150 ഗ്രാം
  • വെള്ളം - 300 മില്ലി ലിറ്റർ
  • ചെറു പയർ പരിപ്പ് - 3 ടേബിൾ സ്പൂൺ
  • ശർക്കര - 300 ഗ്രാം
  • തേങ്ങ - 1 എണ്ണം (ചെറു കഷ്ണങ്ങളായി നുറുക്കിയത് )
  • പാൽ - 250 മില്ലി ലിറ്റർ
  • നെയ്യ് - 3 ടീ സ്പൂൺ
  • അണ്ടിപരിപ്പ് /കപ്പലണ്ടി - ആവശ്യത്തിന്

തയാറാക്കുന്ന വിധം

കൂവപ്പൊടി വെള്ളത്തിൽ ചേർത്ത് തരികൾ ഉടച്ചിളക്കുക. അതിലേക്ക് 200 മില്ലി ലിറ്റർ വെള്ളം കൂടി ചേർത്ത് നന്നായി ഇളക്കുക. ഈ കൂവ ലായനി അരിച്ചെടുക്കുക. അരിച്ചെടുക്കുമ്പോൾ കിട്ടുന്ന കൂവ ചണ്ടി ഇതിലേക്ക് നന്നായി പിഴിഞ്ഞ് ചേർക്കുക.

ചെറുപയർ പരിപ്പ്, ശർക്കര, തേങ്ങാക്കൊത്ത് എന്നിവയും ചേർക്കുക. ഇളം തീയിൽ തിളപ്പിക്കുക. ഇതിലേക്ക് പാലും നെയ്യും ചേർക്കുക. കാട്ടിയാവും വരെ ഇളക്കി 6- 8 മിനിറ്റുകൾ വേവിക്കുക. അണ്ടിപരിപ്പ് അല്ലെങ്കിൽ കപ്പലണ്ടി ഇതിലേക്ക് ചേർക്കുക. തീ അണച്ച  ശേഷം നെയ് പുരട്ടിയ ഒരു ട്രേയിലേക്ക് കട്ടിയായ കൂവ കുറുക്ക് മാറ്റുക. മുകളിൽ 4-5 അണ്ടിപരിപ്പുകൾ കൊണ്ട് അലങ്കരിക്കുക. 4 മണിക്കൂറുകൾക്ക് ശേഷം നന്നായി  തണുത്തു കഴിഞ്ഞാൽ ഇഷ്ട രൂപങ്ങളിൽ മുറിച്ചെടുത്തു വിളമ്പാം.

മനോരമ ഓൺലൈനിൽ നിങ്ങളുടെ പാചകക്കുറിപ്പുകൾ പ്രസിദ്ധീകരിക്കാൻ ആഗ്രഹിക്കുന്നുവെങ്കിൽ നിങ്ങളുടെ പേരും വിലാസവും വിഭവത്തിന്റെ ചിത്രവും ഉൾപ്പെടെ customersupport@mm.co.in എന്ന മെയിൽ ഐഡിയിലേക്ക് അയയ്ക്കുക.. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN READERS' RECIPE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA